ശെടാ മലിംഗയ്ക്ക് നീലപ്പടയെ പേടിച്ച്‌ പനി പിടിക്കുമോ? വരുന്ന ലോകകപ്പില്‍ ഇന്ത്യന്‍ താരത്തിനെതിരെ പന്തെറിയാന്‍ ഭയമാണെന്ന് വ്യക്തമാക്കി ശ്രീലങ്കന്‍ ക്യാപ്റ്റന്‍ ലസിത് മലിംഗയുടെ ട്വീറ്റ്; 'ഫാസ്റ്റ് ബോളിങ് സ്റ്റാര്‍' പറഞ്ഞത് ഐപിഎല്ലില്‍ മുംബൈ ഇന്ത്യന്‍സില്‍ തന്നോടൊപ്പമുണ്ടായിരുന്ന ഇന്ത്യന്‍ താരത്തിന്റെ പേര്; ഭയന്നത് ഇന്ത്യന്‍ കടുവയുടെ 'ഇന്നിങ്‌സ്' കണ്ട്

മുംബൈ: ശ്രീലങ്കന്‍ ക്രിക്കറ്റ് ക്യാപ്റ്റന്‍ ലസിത് മലിംഗയ്ക്ക് ഇന്ത്യന്‍ ക്രിക്കറ്റ് ടീമിന്റെ കുപ്പായം കാണുമ്ബോള്‍ പേടിച്ച്‌ പനി പിടിക്കാതിരുന്നാല്‍ മതിയായിരുന്നെന്നാണ് ഇപ്പോള്‍ സമൂഹ മാധ്യമത്തില്‍ പ്രചരിക്കുന്ന കമന്റ്. എന്നാല്‍ സംഗതിക്ക് പിന്നില്‍ മലിംഗ തന്നെയാണ് കാരണം. വരുന്ന ലോകകപ്പ് ക്രിക്കറ്റില്‍ ഇന്ത്യന്‍ താരം ഹാര്‍ദിക്ക് പാണ്ഡ്യയ്‌ക്കെതിരെ പന്തെറിയാന്‍ തനിക്ക് ഭയമാണെന്ന് മലിംഗ ഇട്ട ട്വീറ്റാണ് പുത്തന്‍ ചര്‍ച്ചയ്ക്ക് വഴി തെളിയിച്ചത്. ക്രിക്കറ്റ് മാമാങ്കമായ ഐ.പി.എല്‍ മത്സരത്തില്‍ മുംബൈ ഇന്ത്യന്‍സിന്റെ താരങ്ങളാണ് മലിംഗയും പാണ്ഡ്യയും. റോയല്‍ ചലഞ്ചേഴ്സ് ബാംഗ്ലൂരിനെതിരായ പാണ്ഡ്യയുടെ ഇന്നിങ്സ് കണ്ടാണ് മലിംഗയുടെ പ്രതികരണം. പാണ്ഡ്യ മികച്ച ഫോമിലാണെന്നും ലോകകപ്പില്‍ ഇന്ത്യക്കെതിരെ കളിക്കുമ്ബോള്‍ അയാള്‍ക്കെതിരെ പന്തെറിയാന്‍ താന്‍ ഭയക്കുമെന്നുമാണ് മലിംഗ പറഞ്ഞത്. ലോകകപ്പില്‍ ഇന്ത്യക്കെതിരെ കളിക്കുമ്ബോള്‍ പാണ്ഡ്യയെ അടിച്ചുതകര്‍ക്കാന്‍ വിടരുതെന്നും അദ്ദേഹം കൂട്ടിച്ചേര്‍ത്തു. റോയല്‍ ചാലഞ്ചേഴ്‌സിനെതിരേ 16 പന്തില്‍ അഞ്ചു ബൗണ്ടറികളും രണ്ടു സിക്സുമടക്കം പുറത്താകാതെ 37 റണ്‍സെടുത്ത പാണ്ഡ്യ ടീമിനെ വിജയത്തിലെത്തിച്ചിരുന്നു. അവസാന 2 ഓവറില്‍ 22 റണ്‍സ് വേണമെന്നിരിക്കെയാണ് പവന്‍ നേഗിയെറിഞ്ഞ 19-ാം ഓവറില്‍ തന്നെ പാണ്ഡ്യ കളി തീര്‍ത്തു.