ഷാക്കിബ് ലോകകപ്പിനായി സണ്‍റൈേഴ്സ് ക്യാമ്ബ് വിടാനൊരുങ്ങുന്നു

ഏപ്രില്‍ 22നു ആരംഭിയ്ക്കുന്ന ലോകകപ്പ് സന്നാഹ ക്യാമ്ബില്‍ ഷാക്കിബ് അല്‍ ഹസന്‍ എത്തുമെന്ന് അറിയിച്ച്‌ ബംഗ്ലാദേശ് ക്രിക്കറ്റ് ബോര്‍ഡ്. അതിനര്‍ത്ഥം താരം ഉടന്‍ തന്നെ ഐപിഎല്‍ ഫ്രാഞ്ചൈസിയായി സണ്‍റൈസേഴ്സില്‍ നിന്ന് ഉടന്‍ നാട്ടിലേക്ക് മടങ്ങുമെന്നാണ് അറിയുന്നത്. താരത്തിനു ഇത് സംബന്ധിച്ച കത്ത് ബോര്‍ഡ് നല്‍കിയിട്ടുണ്ടെന്നാണ് അറിയുവാന്‍ കഴിയുന്നത്. 22നോ 23നോ താരം ക്യാമ്ബിലെത്തുമെന്നാണ് പ്രതീക്ഷിക്കുന്നത് ബംഗ്ലാദേശ് ക്രിക്കറ്റ് ഓപ്പറേഷന്‍സ് കമ്മിറ്റി ചെയര്‍മാന്‍ അക്രം ഖാന്‍ വ്യക്തമാക്കി. ഐപിഎലില്‍ താരത്തിനു അവസരങ്ങള്‍ അത്ര ലഭിച്ചിട്ടില്ലാത്തതിനാല്‍ ഷാക്കിബിന്റെ മടക്കം സണ്‍റൈസേഴ്സിനെ അധികം ബാധിയ്ക്കാനിടയില്ല. ആദ്യ മത്സരത്തില്‍ അവസരം കിട്ടിയ ശേഷം താരത്തിനു പിന്നീട് മത്സരങ്ങളിലൊന്നും തന്നെ കളിയ്ക്കുവാനായിരുന്നില്ല. പരിശീലന ക്യാമ്ബിനു ശേഷം അയര്‍ലണ്ടില്‍ ത്രിരാഷ്ട്ര മത്സരങ്ങള്‍ കളിയ്ക്കാനായി ബംഗ്ലാദേശ് യാത്രയാകും. വിന്‍ഡീസ് ആണ് പരമ്ബരയിലെ മൂന്നാമത്തെ ടീം. ജൂണ്‍ 2നു കെന്നിംഗ്സ്റ്റണ്‍ ഓവലില്‍ തങ്ങളുടെ ആദ്യ മത്സരത്തില്‍ ദക്ഷിണാഫ്രിക്കയെ നേരിടുന്നതിനു മുമ്ബ് ബംഗ്ലാദേശ് പാക്കിസ്ഥാനും ഇന്ത്യയ്ക്കും എതിരെ സന്നാഹ മത്സരങ്ങളില്‍ കളിയ്ക്കും.