ഏകദിന റാങ്കിങ്ങില്‍ ഒന്നാം സ്ഥാനം സ്വന്തമാക്കി ന്യൂസിലാന്‍ഡ്; നേട്ടം ഇംഗ്ലണ്ടിനെ മറികടന്ന്

ഇന്റര്‍നാഷണല്‍ ക്രിക്കറ്റ് കൗണ്‍സിലിന്റെ (ഐ.സി.സി) ഏകദിന ക്രിക്കറ്റ് റാങ്കിങ്ങില്‍ ഒന്നാം സ്ഥാനം സ്വന്തമാക്കി ന്യൂസിലാന്‍ഡ് ടീം. ഒന്നാം സ്ഥാനത്തുണ്ടായിരുന്ന ഇംഗ്ലണ്ട് ടീമിനെ പിന്തള്ളിയാണ് ന്യൂസിലാന്‍ഡ് ഈ നേട്ടം കൈവരിച്ചത്. ബംഗ്ലാദേശിനെതിരായ മൂന്ന് മത്സരങ്ങളടങ്ങിയ ഏകദിന പരമ്ബര 3-0 ന് സ്വന്തമാക്കിയതോടെയാണ് ഒന്നാം റാങ്കില്‍ ന്യൂസിലാന്‍ഡ് എത്തിയത്. പട്ടികയില്‍ ഓസ്‌ട്രേലിയ രണ്ടാം സ്ഥാനത്തും ഇന്ത്യയും ഇംഗ്ലണ്ടും മൂന്നാം സ്ഥാനത്തുമാണുള്ളത്. ഇന്ത്യയ്‌ക്കെതിരായ മത്സരത്തിലെ പരാജയമാണ് ഇംഗ്ലണ്ടിന്റെ സ്ഥാനം പിന്തള്ളപ്പെടാന്‍ കാരണമായത്. ന്യൂസിലന്‍ഡിന് 121 പോയിന്റും ഓസ്‌ട്രേലിയയ്ക്ക് 118 ഉം ഇന്ത്യയ്ക്കും ഇംഗ്ലണ്ടിനും 115 പോയിന്റുമാണുള്ളത്.