ഐ.പി.എല്‍ ലേലത്തിനുള്ള തിയ്യതികളായി

2020 സീസണിലേക്കുള്ള ഐ.പി.എല്‍ ലേലത്തിനുള്ള തിയ്യതികള്‍ പ്രഖ്യാപിച്ചു. കൊല്‍ക്കത്തയില്‍ വെച്ച്‌ ഡിസംബര്‍ 19നാണ് ലേലം. ഇന്ന് ഐ.പി.എല്‍ ഗവേര്‍ണിംഗ് കൗണ്‍സില്‍ നടത്തിയ ചര്‍ച്ചയിലാണ് തിയ്യതികള്‍ തീരുമാനമായത്. മുന്‍പുള്ള സീസണുകളില്‍ ബെംഗളുരുവില്‍ വെച്ചാണ് ലേലം വിളി നടന്നിരുന്നത്. ഈ സീസണ്‍ മുതല്‍ ഒരു ടീമിന് 85 കോടിയോളം രൂപ ഒരു ടീമിന് താരങ്ങള്‍ക്ക് വേണ്ടി ചിലവഴിക്കാം. കഴിഞ്ഞ വര്‍ഷം വരെ 82 കോടി രൂപയായിരുന്നു ഒരു ടീമിന് ചിലവഴിക്കാന്‍ പറ്റുന്ന തുക. കൂടാതെ കഴിഞ്ഞ ലേലത്തില്‍ ചിലവഴിക്കാതിരുന്ന തുക കൂടി ടീമുകള്‍ക്ക് ഈ ലേലത്തില്‍ ചിലവഴിക്കാം. ഇത് പ്രകാരം ഡല്‍ഹി ക്യാപിറ്റല്‍സിന് 8.2 കോടി രൂപ ബാക്കിയുണ്ട്. രാജസ്ഥാന്‍ റോയല്‍സിന് 7.15 കോടിയും കൊല്‍ക്കത്ത നൈറ്റ് റൈഡേഴ്സിന് 6.05കൂടി രൂപയുമാണ് ബാക്കിയുള്ളത്.