മെല്‍ബണ്‍: രക്തബന്ധമാണോ വ്യക്തിബന്ധമാണോ വലുതെന്നു ചോദിച്ചാല്‍ ആസ്ട്രേലിയക്കാരന്‍ ജെയിംസ്​ ഹാരിസണ്‍ കണ്ണുമടച്ചു പറയുന്ന ഉത്തരം രക്തബന്ധമെന്നു തന്നെയായിരിക്കും. കാരണം, രക്തത്തില്‍ അപൂര്‍വതരം ആന്‍റിബോഡിയുള്ള 81കാരനായ ഇദ്ദേഹം 60 വര്‍ഷംകൊണ്ട്​ 1173 തവണയാണ്​ രക്തദാനം നടത്തിയത്​. 2003ല്‍ ഗിന്നസ്​ബുക്കിലും പേരു കുറിച്ചു.

ആസ്ട്രേലിയയിലെ 24 കോടിയില്‍പരം കുട്ടികളുടെ ജീവന്‍ രക്ഷിച്ച്‌​ കോടിക്കണക്കിന്​ സ്​ത്രീകള്‍ക്ക്​ അമ്മമാരാവാന്‍ സാധിച്ചത്​ ജെയിംസ്​ ഹാരിസണി​​െന്‍റ രക്തഗുണം കൊണ്ടാണ്​. 1951ല്‍ 14ാം വയസ്സില്‍ വലിയൊരു ശസ്​ത്രക്രിയക്കു വിധേയനായ ജെയിംസ്​ ഹാരിസണിന്​ രക്തം ആവശ്യമായി വന്നു. നിരവധി പേരുടെ കാരുണ്യത്താല്‍ 13 യൂനിറ്റ്​ രക്തം ശരീരത്തിലേക്ക്​ കയറ്റി. 18ാം വയസ്സില്‍ അദ്ദേഹം രക്തദാനം തുടങ്ങി.

അതിനിടെ, ആസ്ട്രേലിയയില്‍ സ്​ത്രീകള്‍ക്കിടയില്‍ വ്യാപകമായി പ്രസവസംബന്ധമായ പ്രശ്​നങ്ങള്‍ തുടങ്ങി. ആയിരക്കണക്കിന്​ സ്​ത്രീകള്‍ക്ക്​ ഗര്‍ഭഛിദ്രമുണ്ടായി. മസ്​തിഷ്​കത്തിനുണ്ടാകുന്ന പ്രശ്​നങ്ങള്‍മൂലം നിരവധി നവജാത ശിശുക്കള്‍ മരണമടഞ്ഞു. വിദഗ്​ധപരിശോധനയില്‍ ആര്‍.എച്ച്‌​ നെഗറ്റിവ്​ രക്തമുള്ള സ്​ത്രീകളില്‍ ആര്‍.എച്ച്‌​ പോസിറ്റിവ്​ രക്തമുള്ള കുട്ടികള്‍ ഉണ്ടാവുന്നതുമൂലമുള്ള പൊരുത്തക്കേടാണ്​ പ്രശ്​നത്തിനു കാരണമെന്ന്​ മനസ്സിലായി. പരിഹാരമായി അപൂര്‍വ ആന്‍റിബോഡിയുള്ള രക്തത്തിലെ പ്ലാസ്​മ ഗര്‍ഭിണികളില്‍ കുത്തിവെച്ചാല്‍ മതിയെന്നു കണ്ടെത്തി.

തുടര്‍ന്ന്​ രക്തബാങ്കുകളില്‍ അന്വേഷിച്ചപ്പോഴാണ്​ ജെയിംസ്​ ഹാരിസണിനെ കണ്ടെത്തിയത്​. ഗവേഷകര്‍ രക്തത്തിലെ പ്ലാസ്​മയില്‍നിന്ന്​ ആന്‍റി ഡി എന്ന ഇന്‍ജക്​ഷന്‍ വികസിപ്പിച്ചെടുത്തു. ഇത്​ 1967ല്‍ ആദ്യമായി റോയല്‍ പ്രിന്‍സ്​ ആല്‍ഫ്രഡ്​ ആശുപത്രിയില്‍ വെച്ച്‌​ ഗര്‍ഭിണിയായ സ്​ത്രീയില്‍ കുത്തി​െവച്ചു. പിന്നീട്​ തുടര്‍ച്ചയായി 60 വര്‍ഷത്തോളം ജെയിംസ്​ ഹാരിസണ്‍ രക്തം നല്‍കിക്കൊണ്ടേയിരുന്നു. അദ്ദേഹത്തി​​െന്‍റ പ്ലാസ്​മയില്‍നിന്ന്​ ദശലക്ഷക്കണക്കിന്​ ആന്‍റി ഡി ഇന്‍ജക്​ഷനുകള്‍ ഉല്‍​പാദിപ്പിച്ചു.

കഴിഞ്ഞ വെള്ളിയാഴ്​ച ജെയിംസ്​ അവസാനമായി ഒരിക്കല്‍കൂടി ത​​െന്‍റ രക്തം നല്‍കി. 1173ാമത്തെ രക്തദാനം ആഘോഷപൂര്‍വമാണ്​ നടന്നത്​. പ്രായാധിക്യംകൊണ്ട്​ രക്തദാനം നിര്‍ത്തുമ്ബോഴും ത​​െന്‍റ രക്തത്തില്‍ എങ്ങനെ ഇൗ അപൂര്‍വ ആന്‍റിബോഡി ഉണ്ടായി എന്ന കാര്യം അദ്ദേഹത്തിനും അറിയില്ല. ചെറുപ്പത്തില്‍ രക്തം സ്വീകരിച്ചപ്പോഴുണ്ടായതാവാമെന്നാണ്​ ഡോക്​ടര്‍മാരുടെ അനുമാനം.