യുഎഇയില്‍ പിഴ അടയ്ക്കാനുള്ള ഗ്രേസ് പീരിയഡ് നീട്ടി നികുതി അതോറിറ്റി

അബുദാബി: യുഎഇയില്‍ പിഴ അടയ്ക്കുന്നതിനുള്ള ഗ്രേസ് പീരിയഡ് നീട്ടി നികുതി അതോറിറ്റി. ഡിസംബര്‍ 31 വരെയാണ് ഗ്രേസ് പീരിയഡ് നീട്ടിയത്. കോവിഡ് മഹാമാരിയുടെ സമയത്ത് ബിസിനസുകളുടെ ഭാരം കുറയ്ക്കുന്നതിനും ദേശീയ സമ്ബദ് വ്യവസ്ഥയുടെ വളര്‍ച്ചയ്ക്ക് കൂടുതല്‍ സംഭാവന നല്‍കുന്നതിനുള്ള അവരുടെ കഴിവുകള്‍ വര്‍ദ്ധിപ്പിക്കുന്നതിനുമാണ് തീരുമാനം.

2021 ഡിസംബര്‍ 31-നകം പുനര്‍നിര്‍ണ്ണയത്തില്‍ നിന്ന് പ്രയോജനം നേടാന്‍ കഴിയാത്ത നികുതി രജിസ്ട്രേറ്റര്‍ക്ക് ഡിസംബര്‍ 31 വരെ പ്രയോജനം ലഭിക്കുമെന്ന് അതോറിറ്റി വ്യക്തമാക്കി. ഫെഡറല്‍ ടാക്‌സ് അതോറിറ്റി ടാക്‌സ് രജിസ്റ്റര്‍ ചെയ്യുന്നവരുടെ ഏറ്റവും മികച്ച താല്‍പ്പര്യത്തിനാണ് പ്രവര്‍ത്തിക്കുന്നതെന്ന് അധികൃതര്‍ അറിയിച്ചു. നികുതി നിയമങ്ങള്‍ക്കും ചട്ടങ്ങള്‍ക്കും അനുസൃതമായി തുടരുന്നതിന് അവര്‍ ഈ ഭേദഗതി പ്രയോജനപ്പെടുത്തണമെന്നും അധികൃതര്‍ കൂട്ടിച്ചേര്‍ത്തു.