വ്യത്യസ്തമായ അഭിനയ മികവിലൂടെ മലയാളികളുടെ മനം കവര്‍ന്ന നടിയാണ് നിമിഷ സജയന്‍ ഇപ്പോള്‍ ബോളിവുഡില്‍ അരങ്ങേറ്റം കുറിക്കാന്‍ ഒരുങ്ങുകയാണ് .ദേശീയ പുരസ്‍കാര ജേതാവ് ഒനിറാണ് നിമിഷയെ ബോളിവുഡിലേക്ക് കൊണ്ടുവരുന്നത്. വി ആര്‍ എന്ന ചിത്രത്തിലാണ് താരം അഭിനയിക്കുക. പ്രശസ്‌തമായ അന്തോളജി സീരീസായ ഐ ആമിന്‍റെ സീക്വല്‍ ആണിത്. സിനിമയുടെ ചിത്രീകരണം സെപ്‌തംബറില്‍ തുടങ്ങിയേക്കുമെന്നാണ് റിപ്പോര്‍ട്ടുകള്‍.

നാല് ഷോര്‍ട്ട്ഫിലിമുകള്‍ ചേര്‍ത്തുള്ള ആന്തോളജി സീരീസായിരുന്നു ഐ ആം. ഫഹദ് ഫാസിലിന്‍റെ ബി​ഗ് ബഡ്‌ജറ്റ് ചിത്രം മാലിക്കാണ് നിമിഷയുടെ പുറത്തിറങ്ങാനിരിക്കുന്ന മലയാള ചിത്രം. ആമസോണിലൂടെയാണ് ചിത്രം റിലീസിന് എത്തുന്നത്.