എയര്‍ഇന്ത്യയുടെ വിമാനത്തിന്റെ വാതിലില്‍ വിള്ളല്‍ ; സര്‍വീസ് നിര്‍ത്തി

കാലിഫോര്‍ണിയ: എയര്‍ഇന്ത്യയുടെ വിമാനത്തിന്റെ വാതിലില്‍ വിള്ളല്‍ കണ്ടെത്തിയതിനെ തുടര്‍ന്ന് സര്‍വീസ് നിര്‍ത്തി. ദില്ലിയില്‍നിന്ന് സാന്‍ഫ്രാസിസ്‌കോയിലേക്ക് 225 യാത്രക്കാരുമായി പുറപ്പെട്ട വിമാനത്തിലാണ് വിള്ളല്‍ കണ്ടെത്തിയത്. സാന്‍ഫ്രാന്‍സിസ്‌കോയില്‍ എത്തിയതിന് ശേഷമാണ് ഗുരുതരമായ സുരക്ഷ വീഴ്ച കണ്ടെത്തിയത്. ബോയിങ് വിമാനക്കമ്ബനിയുടെ 777 ലോങ് റെഞ്ച് വിമാനങ്ങളില്‍ ഉള്‍പ്പെട്ട വിമാനത്തിന്റെ പരിശോധന ചുമതല പൂര്‍ണമായും എയര്‍ ഇന്ത്യയുടെ ഉത്തരവാദിത്തമാണ്. അറ്റകുറ്റപ്പണി നടത്തി സര്‍വിസ് പുനരാരംഭിക്കാന്‍ ഏകദേശം രണ്ടാഴ്ച്ചയെങ്കിലുമെടുത്തേക്കുമെന്നാണ് വിവരം.