'സംസ്ഥാനത്തിനും സാമ്ബത്തികമായ പ്രയാസമുണ്ട്. പക്ഷേ അധിക വരുമാനം അവര്‍ ഉപേക്ഷിക്കണം. അതായത് നികുതി ഭീകരതകൊണ്ട് കേന്ദ്രം ഉണ്ടാക്കിയ മൂല്യവരുമാനമുണ്ട്. അതിന് ആനുപാതികമായി സംസ്ഥാനത്തിനും ഒരു അധിക വരുമാനമുണ്ടായിട്ടുണ്ട്. കഴിഞ്ഞ അഞ്ച് വര്‍ഷം കൊണ്ട് 2300 കോടിയോളം രൂപ അധിക വരുമാനം കിട്ടി.'- സതീശന്‍ പറഞ്ഞു. ശക്തമായ സമരങ്ങളുമായി മുന്നോട്ടുപോകുമെന്നും വി ഡി സതീശന്‍ പറഞ്ഞു. സമാധാനപരമായിട്ടുള്ള സമരമായിരിക്കും നടത്തുകയെന്നും അദ്ദേഹം കൂട്ടിച്ചേര്‍ത്തു. കേരളം ഇന്ധന നികുതി കുറയ്ക്കില്ലെന്ന് ധനമന്ത്രി കെ എന്‍ ബാലഗോപാല്‍ നേരത്തെ വ്യക്തമാക്കിയിരുന്നു.