മോദിയുടെ ജന്മദിനം ദേശീയ തൊഴിലില്ലായ്​മ ദിനമായി ആചരിച്ച്‌​ യൂത്ത്​ കോണ്‍ഗ്രസ്​

ന്യൂഡല്‍ഹി: പ്രധാനമന്ത്രിയുടെ ജന്മദിനമായ സെപ്​റ്റംബര്‍ 17​ 'ദേശീയ തൊഴിലില്ലായ്​മ ദിന'മായി ആചരിച്ച്‌​ യൂത്ത്​ കോണ്‍ഗ്രസ്​. മോദിയുടെ ജന്മദിനം സേവ സമര്‍പ്പണ്‍ അഭിയാനായി ആചരിക്കാനുള്ള ബി.ജെ.പിയുടെ തീരുമാനത്തിന്​ ബദലായാണ്​ യൂത്ത്​ കോണ്‍ഗ്രസിന്‍റെ തീരുമാനം.

ദേശീയ തൊഴിലില്ലായ്​മ ദിനത്തിന്‍റെ ഭാഗമായി യൂത്ത്​ കോണ്‍ഗ്രസ്​ രാജ്യമെമ്ബാടും വിവിധ പരിപാടികള്‍ സംഘടിപ്പിക്കും. തൊഴിലില്ലായ്​മ, കുറഞ്ഞ വളര്‍ച്ച നിരക്ക്​, ഇന്ധന വില വര്‍ധന തുടങ്ങിയ ഉയര്‍ത്തിക്കാട്ടിയാണ്​ പ്രതിഷേധം. 'ദേശീയ തൊഴിലില്ലായ്​മ ദിനം' എന്ന ഹാഷ്​ടാഗില്‍ ലക്ഷകണക്കിന്​ ട്വീറ്റുകളാണ്​ ട്വിറ്ററില്‍ നിറഞ്ഞത്​.