കര്‍ഷക പ്രക്ഷോഭം പഞ്ചാബിന്​ നഷ്​ടമുണ്ടാക്കുന്നു; ഡല്‍ഹിയിലോ ഹരിയാനയിലോ പ്രതിഷേധിക്കണമെന്ന്​ പഞ്ചാബ്​ മുഖ്യമന്ത്രി

അമൃത്​സര്‍: കേന്ദ്രസര്‍ക്കാറിന്‍റെ കാര്‍ഷിക നിയമങ്ങള്‍ക്കെതിരെ പ്രതിഷേധിക്കുന്ന കര്‍ഷകര്‍ സംസ്ഥാനത്തിന്​ സാമ്പത്തിക നഷ്​ടമുണ്ടാക്കുന്നുവെന്നും ഡല്‍ഹിയിലോ ഹരിയാനയിലോ പോയി സമരം ചെയ്യണമെന്നും പഞ്ചാബ്​ മുഖ്യമന്ത്രി ക്യാപ്​റ്റന്‍ അമരീന്ദര്‍ സിങ്​. പഞ്ചാബിന്‍റെ താല്‍പര്യത്തിന്​ അനുസരിച്ചല്ല കര്‍ഷക സമരം. സംസ്​ഥാനത്ത്​ സമരം അവസാനിപ്പിച്ച്‌​ ഡല്‍ഹിയി ലോ ഹരിയാനയിലോ പോയി പ്രതിഷേധിക്കണം -അമരീന്ദര്‍ സിങ്​ ആവശ്യപ്പെട്ടു.

സംസ്​ഥാനത്ത്​ 113 സ്​ഥലങ്ങളിലാണ്​ കര്‍ഷകരുടെ പ്രതിഷേധം. ഈ പ്രതിഷേധങ്ങള്‍ സംസ്​ഥാനത്തിന്​ സാമ്പത്തിക നഷ്​ടമുണ്ടാക്കു​ന്നുവെന്നാണ്​ അമരീന്ദര്‍ സിങ്ങിന്‍റെ അഭിപ്രായം. മുഖിലാനയിലെ ഗവണ്‍മെന്‍റ്​ കോളജിന്‍റെ ശിലാസ്​ഥാപനം നിര്‍വഹിച്ച ശേഷം സംസാരിക്കുകയായിരുന്നു അദ്ദേഹം.

'കര്‍ഷകര്‍ക്ക്​ ധര്‍ണ നടത്തണമെങ്കില്‍ പഞ്ചാബിന്​ പകരം ഹരിയാനയിലേക്കോ ഡല്‍ഹിയിലേക്കോ പോകണം' -അമരീന്ദര്‍ സിങ്​ പറഞ്ഞു.
സംസ്​ഥാന സര്‍ക്കാറും ജന​ങ്ങളും പ്രതിഷേധിക്കുന്ന കര്‍ഷ​കരോട്​ ഐക്യദാര്‍ഢ്യം പ്രഖ്യാപിച്ചതിനാല്‍ പഞ്ചാബില്‍ പ്രക്ഷോഭം സംഘടിപ്പിക്കരുതെന്നും അദ്ദേഹം ആവശ്യപ്പെട്ടു​. കര്‍ഷകരുടെ ആവശ്യ​ങ്ങള്‍ അംഗീകരിക്കുന്നതില്‍ കേന്ദ്രം കാലതാമസം വരുത്തുന്നതില്‍ മുഖ്യമന്ത്രി ആശങ്ക പ്രകടിപ്പിക്കുകയും ചെയ്​തു. കേന്ദ്രസര്‍ക്കാറില്‍ സമ്മര്‍ദ്ദം ചെലുത്തുന്നതിനായി പഞ്ചാബില്‍നിന്ന്​ മാറി മറ്റിടങ്ങളില്‍ സമരം ചെയ്യുകയാണ്​ വേണ്ടതെന്നും അദ്ദേഹം നിര്‍ദേശിച്ചു.

കേന്ദ്രസര്‍ക്കാറിന്‍റെ കാര്‍ഷിക നിയമങ്ങളുമായി ബന്ധ​െപ്പട്ട്​ ശിരോമണി അകാലിദള്‍ കര്‍ഷകരെ കബളിപ്പിക്കുകയാണെന്ന് ​ആരോപിച്ച മുഖ്യമ​ന്ത്രി അകാലിദളിന്‍റെ സമ്മതത്തോടെയാണ്​ നിയമങ്ങള്‍ തയാറാ​ക്കിയതെന്നും​ പറഞ്ഞു. കൂടാതെ ഹര്‍സിമ്രത്​ കൗര്‍ ബാദല്‍, മുന്‍ മുഖ്യമന്ത്രി പ്രകാശ്​ സിങ് ബാദലും ആദ്യം നിയമത്തെ അംഗീകരിച്ചിരുന്നുവെന്നും പിന്നീട്​ യു ടേണ്‍ തിരിയുകയായിരുന്നുവെന്നും ​മുഖ്യമന്ത്രി കൂട്ടിച്ചേര്‍ത്തു.

1950ന്​ ശേഷം 127 തവണ ഭരണഘടന ഭേദഗതി ചെയ്​തു. അതിനാല്‍ ഒരിക്കല്‍ കുടി കാര്‍ഷിക നിയമങ്ങള്‍ എടുത്തുകളഞ്ഞ്​ സിംഘു, ടിക്​രി അതിര്‍ത്തികളില്‍ പ്രതിഷേധിക്കുന്ന കര്‍ഷകരെ സഹായിക്കണമെന്നും അമരീന്ദര്‍ പറഞ്ഞു. പ്രക്ഷോഭത്തിനിടെ മരിച്ച ഓരോ കര്‍ഷകന്‍റെയും കുടുംബത്തിന്​ പഞ്ചാബ്​ സര്‍ക്കാര്‍ അഞ്ചുലക്ഷം രൂപ നല്‍കിയെന്നും അദ്ദേഹം കൂട്ടിച്ചേര്‍ത്തു.

അതേസമയം മുഖ്യമന്ത്രിയുടെ​ പ്രസ്​താവനക്കെതിരെ ഹരിയാന മുഖ്യമന്ത്രി അനി