ക്രിമിനല്‍ കേസ് നിലനില്‍ക്കെ ജോലി ആവശ്യാര്‍ത്ഥം വിദേശത്ത് പോവാന്‍ അനുമതി നൽകി കേരള ഹൈക്കോടതി

ക്രിമിനല്‍ കേസ് നിലനില്‍ക്കെ വിദേശത്ത് ജോലി ആവശ്യര്‍ത്ഥം പോകാന്‍ അനുമതി. വ്യവസ്ഥകള്‍ക്ക് വിധേയമായിട്ടാണ് ഹൈക്കോടതിയുടെ അനുമതി. പത്തനംതിട്ട സ്വദേശിയായ പ്രവാസി നല്‍കിയ ഹരജിയിലാണ് ഇടപെടല്‍.
ജാമ്യത്തില്‍ കഴിയുന്ന ഹരജിക്കാരന്റെ കേസില്‍ വിചാരണ പൂര്‍ത്തിയാക്കിയിട്ടില്ല. യു.എ.ഇയിലെ ജനറല്‍ ഇലക്‌ട്രിക്കല്‍ എന്‍ജിനിയറായ ഹരജിക്കാരന് വിസ കാലാവധി കഴിയാറായിരുന്നു.കോടതി ആവശ്യപ്പെടുന്ന അവസരത്തില്‍ ഹാജരാകാന്‍ തയ്യാറാണ് എന്ന് കാണിച്ചു കൊണ്ടുള്ള സത്യവാങ്മൂലം നല്‍കണം. പ്രതിക്ക് വേണ്ടി ഹാജരാകാന്‍ ഒരു അഭിഭാഷകനെ നിയോഗിക്കണമെന്നാണ് വ്യവസ്ഥ.