രാജ്യത്ത്​ കോവിഡ്​ പിടിവിടുന്നു; അടുത്ത നാലാഴ്ച അതിനിര്‍ണായകമെന്ന്​ കേന്ദ്രം

ന്യൂഡല്‍ഹി: ഒറ്റ ദിവസം കോവിഡ്​ കേസുകളുടെ എണ്ണം ലക്ഷം പിന്നിട്ടതിനു പിന്നാലെ ഏകദേശം സമാന സംഖ്യയില്‍ പിറ്റേന്നും തുടര്‍ന്നതോടെ കടുത്ത സാഹചര്യത്തെ കുറിച്ച്‌​ മുന്നറിയിപ്പുമായി കേന്ദ്രം. വൈറസ്​ ബാധ ഏറ്റവും ശക്​തമായി തുടരുന്ന മഹാരാഷ്​ട്ര, ഛത്തീസ്​ഗഢ്​, പഞ്ചാബ്​ സംസ്​ഥാനങ്ങളില്‍ 50 ഓളം ഉന്നതതല സംഘങ്ങളെ കേന്ദ്രം വിന്യസിച്ചു. മഹാരാഷ്​ട്രയില്‍ 30ഉം ഛത്തീസ്​ഗഢില്‍ 11ഉം പഞ്ചാബില്‍ ഒമ്ബതും ജില്ലകളിലേക്കാണ്​ ഇവരെ അയച്ചത്​. രാജ്യത്തെ മൊത്തം രോഗബാധയു​െട പകുതിയിലേറെയും മഹാരാഷ്​ട്രയിലാണ്​.
നടപടികളുടെ ഭാഗമായി ഡല്‍ഹിയില്‍ രാത്രികാല കര്‍ഫ്യൂ പ്രഖ്യാപിച്ചിട്ടുണ്ട്​. ഗുജറാത്ത്​ ഹൈക്കോടതി ഏപ്രില്‍ 10 മുതല്‍ 14 വരെ അടച്ചിടും. à´²àµ‹à´•àµâ€‹à´¡àµ—ണ്‍ നിലവിലുള്ള മുംബൈയില്‍ ബീച്ചുകള്‍, ഉദ്യാനങ്ങള്‍ എന്നിവ രാത്രി എട്ടു മുതല്‍ രാവിലെ ഏഴുവരെ അടച്ചിടും. ഇനി ആര്‍.à´Ÿà´¿.പി.സി.ആര്‍ പരിശോധന നടത്തിയ ശേഷം മാത്രമേ അതിര്‍ത്തി കടക്കാവൂ എന്ന്​ വിവിധ സംസ്​ഥാനങ്ങളും തീരുമാനിച്ചു.നിയന്ത്രണങ്ങള്‍ ശക്​തമാക്കുന്നതിന്‍റെ ഭാഗമായി 45 വയസ്സ്​ കഴിഞ്ഞ എല്ലാ കേന്ദ്ര ജീവനക്കാരും കോവിഡ്​ വാക്​സിന്‍ നിര്‍ബന്ധമായി സ്വീകരിക്കണമെന്ന്​ സര്‍ക്കാര്‍ ഉത്തരവിട്ടു.കഴിഞ്ഞ 24 മണിക്കൂറിനിടെ രാജ്യത്ത്​ 43 ലക്ഷം ഡോസ്​ കോവിഡ്​ വാക്​സിനാണ്​ വിതരണം ചെയ്​തത്​. ഇതോടെ വാക്​സിന്‍ സ്വീകരിച്ചവരുടെ എണ്ണം എട്ടുകോടി കവിഞ്ഞു. വൈറസ്​ ബാധ പരിശോധന പൂര്‍ത്തിയാക്കിയത്​ 25 കോടി പേരിലുമാണ്​.