കരുതലോടെ വേണം പ്ലസ്‌ വണ്‍ അപേക്ഷ

തിരുവനന്തപുരം : പ്ലസ് വണ്‍ പ്രവേശനത്തിന് ഓണ്‍ലൈന്‍ അപേക്ഷാ സമര്‍പ്പണം ബുധനാഴ്ച ആരംഭിച്ചു. അഡ്-മിഷന്‍ വെബ്-സൈറ്റായ www.hscap.kerala.gov.in  ലെ APPLY ONLINE SWS എന്ന ലിങ്കിലൂടെ ഓണ്‍ലൈനായാണ് അപേക്ഷ സമര്‍പ്പിക്കേണ്ടത്. സ്വന്തമായി അപേക്ഷ സമര്‍പ്പിക്കാം. അപേക്ഷാ സമയം ആരംഭിച്ച ഘട്ടത്തില്‍തന്നെ രക്ഷിതാക്കളും വിദ്യാര്‍ഥികളും തിരക്ക് കൂട്ടേണ്ടതില്ല. ആഗസ്ത് 14 വരെ സമയം അനുവദിച്ചിട്ടുണ്ട്. അവസാന സമയംവരെ ലഭിക്കുന്ന അപേക്ഷകള്‍ തുല്യപ്രാധാന്യത്തില്‍ എടുത്തേ ട്രയല്‍ അലോട്ടുമെന്റ് ഉള്‍പ്പെടെ നടത്തു. അപേക്ഷ സമര്‍പ്പിക്കുമ്ബോള്‍ കോഴ്സുകളുടെ കോഡുകള്‍ ശ്രദ്ധയോടെ അപ്ലോഡ് ചെയ്തുവെന്ന് ഉറപ്പാക്കണം. അഭിരുചിക്കനുസരിച്ച്‌ കോഴ്സുകള്‍ തെരഞ്ഞെടുക്കുമ്ബോള്‍ കോഴ്സ് കോഡുകള്‍ മാറരുത്. അപേക്ഷാ സമര്‍പ്പണശേഷം മൊബൈല്‍ ഒടിപി യിലൂടെ സുരക്ഷിത       പാസ് വേര്‍ഡ് നല്‍കി സൃഷ്ടിക്കുന്ന ക്യാന്‍ഡിഡേറ്റ് ലോഗിനിലൂടെ ആയിരിക്കും തുടര്‍ന്നുള്ളപ്രവേശന പ്രവര്‍ത്തനങ്ങള്‍ നടത്തേണ്ടത്. ട്രയല്‍ അലോട്ട്മെന്റ് പരിശോധന, ഓപ്ഷന്‍ പുനഃക്രമീകരണം, അലോട്ട്മെന്റുകളുടെ പരിശോധന, പ്രവേശനത്തിനു വേണ്ടിയുള്ള രേഖകള്‍ സമര്‍പ്പിക്കല്‍, ഫീസ് ഒടുക്കല്‍ തുടങ്ങിയ പ്രവേശനവുമായി ബന്ധപ്പെട്ട എല്ലാ പ്രവര്‍ത്തനങ്ങളും ക്യാന്‍ഡിഡേറ്റ് ലോഗിനിലൂടെയാണ് അപേക്ഷകര്‍ നിര്‍വഹിക്കേണ്ടത്. സ്വന്തമായി അപേക്ഷ സമര്‍പ്പിക്കുവാന്‍ കഴിയാത്തവര്‍ക്ക് താമസസ്ഥലത്തിന് സമീപത്തുള്ള ഹൈസ്കൂളില്‍ അല്ലെങ്കില്‍ ഹയര്‍സെക്കന്‍ഡറി സ്കൂളില്‍ പ്രവര്‍ത്തിക്കുന്ന സഹായ കേന്ദ്രങ്ങളിലൂടെ ആരോഗ്യ സുരക്ഷാമാനദണ്ഡങ്ങള്‍ പാലിച്ച്‌  അപേക്ഷകള്‍ ഓണ്‍ലൈനായി സമര്‍പ്പിക്കാവുന്നതാണ്. ഭിന്നശേഷിക്കാര്‍ വിവരം പ്രത്യേകം രേഖപ്പെടുത്തണം