ഡോളര്‍ താഴേക്ക്, രൂപ മുകളിലേക്ക്; മൂല്യം 0.77 ശതമാനം ഉയര്‍ന്നു

സമീപ കാലത്തെ മികച്ച നേട്ടത്തില്‍ ഇന്ത്യന്‍ രൂപ. അമേരിക്കന്‍ ഡോളറിനെതിരെ രൂപയുടെ മൂല്യം 0.77 ശതമാനം(59 പൈസ) ഉയര്‍ന്നു. ഇന്ത്യന്‍ രൂപയുടെ മൂല്യം 76 മാര്‍ക്കിന് മുകളിലേക്ക് എത്തിയത് രാജ്യത്തെ വിനിമയ വിപണിക്ക് ആശ്വാസകരമായി. കഴിഞ്ഞ ദിവസം അവസാനിച്ച 75.94 ല്‍ വ്യാപാരം ആരംഭിച്ച ശേഷം, നാല് മണിക്കൂര്‍ സെഷനില്‍ രൂപയുടെ മൂല്യം 75.59 ആയി ഉയര്‍ന്നു.Support Evartha to Save Independent journalismതുടര്‍ന്ന് യുഎസ് കറന്‍സിക്കെതിരെ ഇത് 75.67 ല്‍ എത്തി വ്യാപാരം അവസാനിച്ചു. ഇന്ത്യന്‍ ആഭ്യന്തര വിപണിയിലെ ഇക്വിറ്റി മാര്‍ക്കറ്റുകളിലെ കുത്തനെ ഉയര്‍ന്ന നേട്ട സൂചികയും ഡോളറിന്റെ ബലഹീനതയും രൂപയെ പിന്തുണച്ചതായി സാമ്ബത്തിക വിദഗ്ധര്‍ പറയുന്നു. à´‡à´¨àµà´¨àµ ബി‌എസ്‌ഇ സെന്‍‌സെക്സും എന്‍‌എസ്‌ഇ നിഫ്റ്റി 50 ഉം രണ്ട് ശതമാനത്തിലധികം ഉയര്‍ന്ന് കഴിഞ്ഞ ആറ് ആഴ്ചയിലെ ഉയര്‍ന്ന നിലയിലെത്തിയിരുന്നു.അമേരിക്കന്‍ സ്റ്റോക്ക്പൈലുകള്‍ പ്രതീക്ഷിച്ചതിലും കുറവായതിനാല്‍ വിപണിയില്‍ പ്രതീക്ഷകള്‍ക്കനുസരിച്ച്‌ ഡിമാന്‍ഡ് മെച്ചപ്പെടുമെന്നതിനാല്‍ ക്രൂഡ് ഓയില്‍ വില കുതിച്ചുയരും. നിലവില്‍ അസംസ്കൃത എണ്ണ നിരക്കിന്റെ ആഗോള മാനദണ്ഡമായ ബ്രെന്‍റ് ക്രൂഡ് ഫ്യൂച്ചേഴ്സ് ബാരലിന് 3.1 ശതമാനം ഉയര്‍ന്ന് 21.10 ഡോളറിലെത്തി. ഇതുമൂലം കഴിഞ്ഞ ദിവസം ഇത് 2.3 ശതമാനം നേട്ടമുണ്ടാക്കിയിരുന്നു.