വില കുതിച്ചു; വ്യവസായ വളര്‍ച്ച ഇടിഞ്ഞു

ന്യൂ​ഡ​ല്‍​ഹി: ചി​ല്ല​റ വി​ല​ക്ക​യ​റ്റം ശ​മ​ന​മി​ല്ലാ​തെ മു​ന്നോ​ട്ട്; വ്യ​വ​സാ​യ​വ​ള​ര്‍​ച്ച വീ​ണ്ടും പി​ന്നോ​ട്ട്.
ജ​നു​വ​രി​യി​ല്‍ ചി​ല്ല​റ​വി​ല്പ​ന വി​ല​ക്ക​യ​റ്റം ആ​റു​വ​ര്‍​ഷ​ത്തെ ഉ​യ​ര്‍​ന്ന നി​ല​യാ​യ 7.59 ശ​ത​മാ​ന​മാ​യി. ഡി​സം​ബ​റി​ലെ വ്യ​വ​സാ​യ വ​ള​ര്‍​ച്ച​യാ​ക​ട്ടെ 0.3 ശ​ത​മാ​നം ഇ​ടി​ഞ്ഞു.ചി​ല്ല​റ​വി​ല്പ​ന​വി​ല സൂ​ചി​ക (സി​പി​ഐ) ആ​ധാ​ര​മാ​ക്കി​യാ​ണു ചി​ല്ല​റ വി​ല​ക്ക​യ​റ്റം ക​ണ​ക്കാ​ക്കു​ന്ന​ത്. ക്ഷാ​മ​ബ​ത്ത നി​ര്‍​ണ​യം മു​ത​ല്‍ റി​സ​ര്‍​വ് ബാ​ങ്കി​ന്‍റെ പ​ണ​ന​യ​ത്തി​നു വ​രെ ആ​ധാ​ര​മാ​ക്കു​ന്ന​ത് ഇ​താ​ണ്.

വ്യ​വ​സാ​യ ഉ​ത്പാ​ദ​ന​സൂ​ചി​ക (ഐ​ഐ​പി) ആ​ധാ​ര​മാ​ക്കി​യു​ള്ള വ്യ​വ​സാ​യ വ​ള​ര്‍​ച്ച​ക്ക​ണ​ക്ക് ന​വം​ബ​റി​ല്‍ ചെ​റി​യ ഉ​യ​ര്‍​ച്ച (1.8 ശ​ത​മാ​നം) കാ​ണി​ച്ചി​രു​ന്നു. അ​ത് അ​ട​ക്കം ഏ​ഴു സൂ​ച​ക​ങ്ങ​ള്‍ ചൂ​ണ്ടി​ക്കാ​ട്ടി​യാ​ണ് സാ​മ്പ​ത്തി​ക ഉ​ണ​ര്‍​വി​ന്‍റെ പു​തു​നാമ്പുകൾ കാ​ണാ​നു​ണ്ടെ​ന്നു ധ​ന​മ​ന്ത്രി നി​ര്‍​മ​ല സീ​താ​രാ​മ​ന്‍ ക​ഴി​ഞ്ഞ ദി​വ​സം പാ​ര്‍​ല​മെ​ന്‍റി​ല്‍ പ​റ​ഞ്ഞ​ത്. പ​ക്ഷേ, ആ​ശ്വ​സി​ക്കാ​ന്‍ വ​ക​യാ​യി​ല്ലെ​ന്നു ഡി​സം​ബ​റി​ലെ ക​ണ​ക്ക് കാ​ണി​ച്ചു.

ഭ​ക്ഷ്യ വി​ല​ക്ക​യ​റ്റം ത​ന്നെ​യാ​ണു ചി​ല്ല​റ​വി​ല​ക്ക​യ​റ്റ​ത്തെ നി​യ​ന്ത്ര​ണാ​തീ​ത​മാ​ക്കി​യ​ത്. 2014 മേ​യി​ലെ 8.33 ശ​ത​മാ​നം ക​ഴി​ഞ്ഞാ​ലു​ള്ള ഏ​റ്റ​വും ഉ​യ​ര്‍​ന്ന ക​യ​റ്റ​മാ​ണി​ത്. 2014-ല്‍ ​ക്രൂ​ഡ് ഓ​യി​ല്‍ വി​ല 115 ഡോ​ള​റാ​യി​രു​ന്നു; ഇ​പ്പോ​ള്‍ 55 ഡോ​ള​റും. ക്രൂ​ഡ് വി​ല പ​കു​തി​യി​ല്‍ താ​ഴെ​യാ​യ​പ്പോ​ഴും വി​ല​ക്ക​യ​റ്റം പ​രി​ധി​ക​ട​ക്കു​ന്നു.

2019 ജ​നു​വ​രി​യി​ല്‍ 1.97 ശ​ത​മാ​നം മാ​ത്ര​മാ​യി​രു​ന്നു ചി​ല്ല​റ​വി​ല​ക്ക​യ​റ്റം. അ​ന്നു ഭ​ക്ഷ്യ​വി​ല 2.24 ശ​ത​മാ​നം കു​റ​യു​ക​യും ചെ​യ്തു. ഇ​പ്പോ​ഴാ​ക​ട്ടെ ഭ​ക്ഷ്യ​വി​ല​ക്ക​യ​റ്റം 13.63 ശ​ത​മാ​ന​മാ​യി കു​തി​ച്ചു​ക​യ​റി. ഡി​സം​ബ​റി​ലെ 14.19 ശ​ത​മാ​ന​ത്തി​ല്‍​നി​ന്നു ചെ​റി​യ കു​റ​വു​ള്ള​താ​ണ് ആ​ശ്വാ​സം. പ​ച്ച​ക്ക​റി വി​ല 50.19 ശ​ത​മാ​ന​വും പ​യ​ര്‍​വ​ര്‍​ഗ വി​ല 16.71 ശ​ത​മാ​ന​വും മാം​സ-​മ​ത്സ്യ വി​ല 10.5 ശ​ത​മാ​ന​വും മു​ട്ട​വി​ല 10.41 ശ​ത​മാ​ന​വും കൂ​ടി.

ഭ​ക്ഷ്യ-​ഇ​ന്ധ​ന​വി​ല​ക്ക​യ​റ്റ​ങ്ങ​ള്‍ ഒ​ഴി​വാ​ക്കി​യ ശേ​ഷ​മു​ള്ള കാ​ത​ല്‍ വി​ല​ക്ക​യ​റ്റം 4.1 ശ​ത​മാ​ന​ത്തി​ലേ​ക്കു​യ​ര്‍​ന്നു. ഡി​സം​ബ​റി​ല്‍ ഇ​ത് 3.75 ശ​ത​മാ​ന​മാ​യി​രു​ന്നു. മൊ​ബൈ​ല്‍ ഫോ​ണ്‍ സ​ര്‍​വീ​സും റെ​യി​ല്‍​വേ ചാ​ര്‍​ജും മ​റ്റും കൂ​ടി​യ​താ​ണു കാ​ത​ല്‍​വി​ല​ക്ക​യ​റ്റം രൂ​ക്ഷ​മാ​ക്കി​യ​ത്.ചി​ല്ല​റ​വി​ല​ക്ക​യ​റ്റം നാ​ലു​ശ​ത​മാ​നം (കു​റ​ഞ്ഞാ​ല്‍ ര​ണ്ടും കൂ​ടി​യാ​ല്‍ ആ​റും ശ​ത​മാ​നം) എ​ന്ന​തോ​തി​ല്‍ നി​ല്‍​ക്ക​ണ​മെ​ന്നാ​ണു ഗ​വ​ണ്‍​മെ​ന്‍റ് ആ​ഗ്ര​ഹി​ക്കു​ന്ന​ത്. ഇ​തി​നു​ത​ക്ക രീ​തി​യി​ല്‍ പ​ണ​ന​യം ഉ​ണ്ടാ​ക്കാ​നാ​ണു റി​സ​ര്‍​വ് ബാ​ങ്കി​നോ​ട് ആ​വ​ശ്യ​പ്പെ​ട്ടി​ട്ടു​ള്ള​തും. ഇ​പ്പോ​ള്‍ ആ ​പ​രി​ധി തു​ട​ര്‍​ച്ച​യാ​യി ലം​ഘി​ക്ക​പ്പെ​ടു​ന്നു.

തു​ട​ര്‍​ച്ച​യാ​യ മൂ​ന്നു​മാ​സം ചു​രു​ങ്ങി​യ വ്യ​വ​സാ​യ ഉ​ത്പാ​ദ​നം ന​വം​ബ​റി​ല്‍ അ​ല്പം ഉ​യ​ര്‍​ന്ന​തി​ല്‍ ആ​ശ്വാ​സം കാ​ണാ​നി​ല്ലെ​ന്നാ​ണു ഡി​സം​ബ​ര്‍ ക​ണ​ക്കു കാ​ണി​ച്ച​ത്. ഓ​ഗ​സ്റ്റി​ല്‍ 1.4, സെ​പ്റ്റം​ബ​റി​ല്‍ 4.6, ഒ​ക്ടോ​ബ​റി​ല്‍ നാ​ലു ശ​ത​മാ​നം എ​ന്നി​ങ്ങ​നെ വ്യ​വ​സാ​യ ഉ​ത്പാ​ദ​നം താ​ഴോ​ട്ടു​പോ​യി. ന​വം​ബ​റി​ല്‍ 1.8 ശ​ത​മാ​നം​കൂ​ടി. ഇ​പ്പോ​ള്‍ ഡി​സം​ബ​റി​ല്‍ 0.3 ശ​ത​മാ​നം താ​ണു. ഫാ​ക്ട​റി ഉ​ത്പാ​ദ​നം 1.2 ശ​ത​മാ​ന​വും വൈ​ദ്യു​തി ഉ​ത്പാ​ദ​നം 0.1 ശ​ത​മാ​ന​വും താ​ണു. യ​ന്ത്ര നി​ര്‍മാ​ണം 18.2 ശ​ത​മാ​ന​മാ​ണു താ​ണ​ത്. ഗൃ​ഹോ​പ​ക​ര​ണ​ങ്ങ​ള്‍​ക്ക് 6.7 ശ​ത​മാ​നമാ​ണ് ഇ​ടി​വ്. ഏ​പ്രി​ല്‍-​ഡി​സം​ബ​ര്‍ ഒ​മ്പ​തു​ മാ​സം വ​ള​ര്‍​ച്ച വെ​റും 0.5 ശ​ത​മാ​ന​മാ​ണ്. ത​ലേ​വ​ര്‍​ഷം ഇ​തേ​സ​മ​യ​ത്ത് 4.7 ശ​ത​മാ​ന​മു​ണ്ടാ​യി​രു​ന്നു വ​ള​ര്‍​ച്ച.

കൊ​റോ​ണ വൈ​റ​സ് മൂ​ലം ചൈ​നീ​സ് ഡി​മാ​ന്‍​ഡ് കു​റ​ഞ്ഞ​തും അ​വി​ടെ​നി​ന്നു ഘ​ട​ക​ങ്ങ​ള്‍ വ​രാ​ത്ത​തും ജ​നു​വ​രി മു​ത​ലു​ള്ള ഉ​ത്പാ​ദ​ന​ത്തെ സാ​ര​മാ​യി ബാ​ധി​ക്കും. ഇ​തു വാ​ര്‍​ഷി​ക​വ​ള​ര്‍​ച്ച സം​ബ​ന്ധി​ച്ച പ്ര​തീ​ക്ഷ​ക​ള്‍ തി​രു​ത്താ​ന്‍ നി​ര്‍​ബ​ന്ധി​ത​മാ​ക്കും.