ജാലിയന്‍വാലാബാഗ് കൂട്ടക്കൊല; ബ്രിട്ടന്‍ മാപ്പു പറയണമെന്നു പാക്കിസ്ഥാന്‍

ഇസ്ലാമാബാദ്: ജാലിയന്‍വാലാബാഗ് കൂട്ടക്കൊലയില്‍ പാക്കിസ്ഥാന്‍, ഇന്ത്യ, ബംഗ്ലാദേശ് എന്നീ രാജ്യങ്ങളോടു ബ്രിട്ടന്‍ മാപ്പു പറയണമെന്ന് പാക് വാര്‍ത്താവിതരണ മന്ത്രി ഫവാദ് ചൗധരി . ബ്രിട്ടീഷ് ഭരണത്തില്‍ ബംഗാള്‍ നേരിട്ട ക്ഷാമത്തിനും മാപ്പു പറയണമെന്നും കോഹിനൂര്‍ രത്‌നം ലാഹോര്‍ മ്യൂസിയത്തിന് അവകാശപ്പെട്ടതാണെന്നും മടക്കിത്തരണമെന്നും അദ്ദേഹം ആവശ്യപ്പെട്ടൂ.
കഴിഞ്ഞ ദിവസം ബ്രിട്ടീഷ് പ്രധാനമന്ത്രി തെരേസാ മേ ജാലിയന്‍വലാബാഗ് കൂട്ടക്കൊലയില്‍ ബ്രിട്ടന്‍ ഖേദം പ്രകടിപ്പിച്ചെങ്കിലും മാപ്പു പറയാന്‍ കൂട്ടാക്കിയിരുന്നില്ല.