നട്ടെല്ല് തളര്‍ന്ന രോഗികള്‍ക്ക് വീണ്ടും നടന്നു തുടങ്ങാം; നാഴികക്കല്ലായി സ്‌പൈനല്‍ കോഡ് ഇംപ്ലാന്റ്

ആധുനിക വൈദ്യശാസ്ത്രത്തില്‍ ചരിത്രം കുറിച്ചുകൊണ്ട് ശരീരം തളര്‍ന്നുപോയ രോഗികള്‍ക്ക് ആശ്വാസമായി പുതിയ സ്‌പൈനല്‍ കോര്‍ഡ് ഇംപ്ലാന്റേഷന്‍ (Spinal Cord Implant) ചികിത്സ.സ്‌പൈനല്‍ കോര്‍ഡ് ഇംപ്ലാന്റേഷനിലൂടെ മിഷേല്‍ റൊക്കാറ്റി  എന്ന വ്യക്തിക്ക് ഇപ്പോള്‍ പുതു ജീവന്‍ കിട്ടിയിരിക്കുകയാണ്‌.

നേച്ചര്‍ മെഡിസിന്‍ എന്ന ജേണലില്‍ തിങ്കളാഴ്ച പ്രസിദ്ധീകരിച്ച റിപ്പോര്‍ട്ടിനാസ്പദമായ പഠനത്തില്‍ ഉള്‍പ്പെട്ട മൂന്ന് രോഗികളില്‍ ഒരാളായിരുന്നു അദ്ദേഹം. അപകടത്തിന് ശേഷം ശരീരം തളര്‍ന്നു പോയവരായിരുന്നു ഇവര്‍ മൂന്ന് പേരും. ആറ് സെന്റിമീറ്റര്‍ വലിപ്പമുള്ള ഇംപ്ലാന്റ് ശരീരത്തില്‍ ഉറപ്പിക്കുകയും അതിന്റെ പള്‍സുകള്‍ പ്രവര്‍ത്തനക്ഷമമാക്കുകയും ചെയ്തതിന് തൊട്ടുപിന്നാലെ മൂന്ന് പേര്‍ക്കും നടക്കാന്‍ കഴിഞ്ഞത് ആധുനിക വൈദ്യചികിത്സയ്ക്ക് അഭിമാനകരമായ നേട്ടമാണ്.