തെക്കന്‍ പാക്കിസ്ഥാനിൽ ശക്തമായ ഭൂകമ്പവും മണ്ണിടിച്ചിലും; വീടുകള്‍ തകര്‍ന്ന് 20 മരണം

ഇസ് ലാമാബാദ്: തെക്കന്‍ പാകിസ്താനിലെ ക്വറ്റ പ്രവിശ്യയിലുണ്ടായ ശക്തമായ ഭൂകമ്ബത്തില്‍ 20 മരണം. 100 ഓളം  പേര്‍ക്ക് പരിക്കേറ്റു. മരിച്ചവരില്‍ ഒരു സ്ത്രീയും ആറു കുട്ടികളും ഉള്‍പ്പെടുന്നു. സ്ഥലത്ത് രക്ഷാപ്രവര്‍ത്തനം പുരോഗമിക്കുകയാണ്.

പുലര്‍ച്ചെ മൂന്നരയോടെയാണ് റിക്ടര്‍ സ്കെയിലില്‍ 5.7 തീവ്രതയുള്ള ഭൂകമ്ബം അനുഭവപ്പെട്ടത്. വടക്ക് കിഴക്കല്‍ ബലൂചിസ്താനിലെ ക്വറ്റ പ്രവിശ്യയില്‍ 100 കിലോമീറ്റര്‍ അകലെ ഹര്‍ണായി ജില്ലയിലാണ് സംഭവം. ഭൂമിക്കടിയില്‍ 20.8 കിലോമീറ്റര്‍ ആഴത്തിലാണ് ഭൂകമ്പത്തിന്‍റെ പ്രഭവ കേന്ദ്രമെന്ന് നാഷണല്‍ സെന്‍റര്‍ ഫോര്‍ സീസ്മോളജിയും യു.എസ് ജിയോളജിക്കല്‍ സര്‍വെയും സ്ഥിരീകരിച്ചു.