![](http://pravasiworld.in/pwn/wp-content/uploads/2022/03/ANI-20210820118-0_1629992643361_1629992657601.webp)
സംസ്ഥാനത്ത് മാര്ച്ച് എട്ടു വരെ മഴയ്ക്ക് സാധ്യത
തിരുവനന്തപുരം: തെക്ക് പടിഞ്ഞാറന് ബംഗാള് ഉള്ക്കടലില് സ്ഥിതിചെയ്തിരുന്ന തീവ്ര ന്യുനമര്ദ്ദം ശക്തി കൂടിയ ന്യുന മര്ദ്ദമായശേഷം ദുര്ബലമായി.അടുത്ത 24 മണിക്കൂറിനുള്ളില് തെക്ക് പടിഞ്ഞാറു ദിശയില് വടക്കന് തമിഴ്നാട് തീരത്തേക്ക് നീങ്ങി ന്യുനമര്ദ്ദമായി വീണ്ടും ദുര്ബലമാകാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ന്യൂനമര്ദ്ദത്തിന്റെ സ്വാധീന ഫലമായി സംസ്ഥാനത്തു മാര്ച്ച് എട്ട് വരെ ഒറ്റപ്പെട്ട മഴയ്ക്ക് സാധ്യതയെന്നും അറിയിപ്പില് പറയുന്നു.ഞായറാഴ്ച (മാര്ച്ച് 06) തെക്ക് പടിഞ്ഞാറന് ബംഗാള് ഉള്ക്കടല് അതിനോട് ചേര്ന്നുള്ള മധ്യ പടിഞ്ഞാറന് ബംഗാള് ഉള്ക്കടല്, ഗള്ഫ് ഓഫ് മാന്നാര്, തമിഴ്നാട് തീരം, പുതുച്ചേരി, തെക്കന് ആന്ധ്രാപ്രദേശ് തീരം എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെ വേഗതയിലും ചില അവസരങ്ങളില് 55 കിലോമീറ്റര് വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയെന്നു കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
ഈ സാഹചര്യത്തില് ഈ ദിവസങ്ങളില് മുന്നറിയിപ്പുള്ള പ്രദേശങ്ങളില് മല്സ്യബന്ധനത്തിന് പോകരുതെന്ന് തിരുവനന്തപുരം ജില്ലാകളക്ടര് ഡോ. നവ്ജ്യോത് ഖോസ അറിയിച്ചു. അതേസമയം കേരള – കര്ണാടക – ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ലെന്നും അറിയിപ്പില് പറയുന്നു.