![](http://pravasiworld.in/pwn/wp-content/uploads/2022/11/0e45ec707821603158ef8aad855263424ca55b630b80c66251f9ebddef0c1e8e.webp)
തമിഴ്നാട്ടില് എന്ഐഎയുടെ വ്യാപക റെയ്ഡ്
ചെന്നൈ: കോയമ്പത്തൂര് കാര് സ്ഫോടന കേസുമായി ബന്ധപ്പെട്ട് തമിഴ്നാട്ടില് ദേശീയ അന്വേഷണ ഏജന്സിയുടെ (എന്ഐഎ) വ്യാപക റെയ്ഡ്.45 ഇടങ്ങളിലാണ് ഒരേസമയം പരിശോധന നടക്കുന്നത്. കോയമ്ബത്തൂര് നഗരത്തില്മാത്രം 21 സ്ഥലങ്ങളില് റെയ്ഡ് നടക്കുന്നതായാണ് വിവരം.
കാര് സ്ഫോടന കേസുമായി ബന്ധപ്പെട്ട് എന്ഐഎയുടെ നിരീക്ഷണത്തിലുള്ളവരുടെ വീടുകളിലാണ് ഉദ്യോഗസ്ഥരെത്തിയത്. പുലര്ച്ചെ അഞ്ച് മണി മുതലാണ് പരിശോധന ആരംഭിച്ചത്. ചെന്നൈയില് അഞ്ചിടങ്ങളില് റെയ്ഡ് നടക്കുന്നതായാണ് റിപ്പോര്ട്ട്.
ഒക്ടോബര് 23ന് പുലര്ച്ചെ നാലിന് കോട്ടമേട് സംഗമേശ്വര് ക്ഷേത്രത്തിനു മുന്നില് സ്ഫോടനം നടന്നിരുന്നു. സ്ഫോടനത്തില് മരിച്ച ജമേഷ മുബിന് രാജ്യാന്തര ഭീകരസംഘടനയായ ഐഎസുമായി ബന്ധമുണ്ടെന്നാണ് അന്വേഷണ സംഘത്തിന്റെ നിഗമനം. ഭീകരാക്രമണ ലക്ഷ്യവുമായാണ് ജമേഷ കോയമ്പത്തൂരിലെത്തിയതെന്നും റിപ്പോര്ട്ടുണ്ട്.