പ്രസിഡന്റ് കസേരയില്‍ ഇരുന്നതെ ഉള്ളു; ഒറ്റ രാത്രി കൊണ്ട് ട്രംപിന്റെ പോക്കറ്റിലെത്തിയത് 60000 കോടി രൂപ
ഇന്നലെയാണ് ലോകനേതാക്കളെയും ആയിരക്കണക്കിന് ജനങ്ങളെയും സാക്ഷിയാക്കി ഡൊണാള്‍ഡ് ട്രംപ് 47ാമത് പ്രസിഡന്റായി സ്ഥാനമേറ്റത്.എന്നാല്‍ പ്രസിഡൻ്റ് കസേരയില്‍ എത്തുന്നതിന് മുമ്ബുള്ള ഒറ്റ രാത്രി കൊണ്ട് ഉണ്ടാക്കിയ പണം കേട്ടാല്‍ ആരും ഞെട്ടും. ഒന്നും രണ്ടുമല്ല, അറുപതിനായിരം കോടി രൂപയാണ് ബിസിനസുകാരൻ കൂടിയായ ട്രംപ് തന്റെ അക്കൗണ്ടുകളിലേക്ക് എത്തിച്ചത്. ട്രംപ് കോയിനിലൂടെയാണ് ഒറ്റ ദിവസം കൊണ്ട് ഡൊണാള്‍ഡ് ട്രംപ് അമ്ബരപ്പിക്കുന്ന ആസ്തി വർധന നേടിയത്. വെള്ളിയാഴ്ചയാണ് ട്രംപ് $TRUMP എന്ന പേരില്‍ മീം കോയിൻ പുറത്തിറക്കിയത്. അദ്ദേഹത്തിന്റെ പത്നി മെലാനിയ ട്രംപും $MELANIA എന്ന പേരില്‍ മീം നാണയം പുറത്തിറക്കിയിരുന്നു. അതേസമയം യുഎസ് പ്രസിഡന്റ് ഡൊണാള്‍ഡ് ട്രംപിൻ്റെ ഔദ്യോഗിക സോഷ്യല്‍ മീഡിയ അക്കൗണ്ടുകളില്‍ നിന്ന് പുതിയ ഡിജിറ്റല്‍ കറൻസിയുടെ വിശദാംശങ്ങള്‍ നീക്കം ചെയ്തു.ആഘോഷ റാലിക്കിടെ മസ്‌കിന്റെ ഒറ്റക്കൈ പ്രയോഗം വിവാദത്തില്‍; നാസി ആംഗ്യവിക്ഷേപമെന്ന് ആക്ഷേപം കണ്ണടച്ച്‌ തുറക്കും മുമ്ബാണ് ട്രംപ് കോയിൻ്റെ മൂല്യം 36 ഡോളർ ആയി ഉയർന്നത്. ജനുവരി 19ന് 718 കോടി രൂപയോളം വിപണി മൂല്യമായിരുന്നു കമ്ബനിക്കുണ്ടായിരുന്നത്. 1,000 ശതമാനത്തിലധികമാണ് ടോക്കണിന്റെ മൂല്യം കുതിച്ചുകയറിയത്. ട്രംപും അദ്ദേഹത്തിൻ്റെ മക്കളായ എറിക്കും ഡൊണാള്‍ഡ് ജൂനിയറും ചേർന്നാണ് 2024 സെപ്റ്റംബറില്‍ ഡിജിറ്റല്‍ അസറ്റ് പ്ലാറ്റ്‌ഫോമായ ലിബർട്ടി ഫിനാൻഷ്യല്‍ രൂപീകരിച്ചത്. ഇതിൻ്റെ ഭാഗമായാണ് ട്രംപ് കോയിൻ വികസിപ്പിച്ചത്.ട്രംപിന് മാത്രമല്ല, കുടുംബങ്ങള്‍ക്കും കോടിക്കണക്കിന് രൂപയുടെ ലാഭവിഹിതം കിട്ടിയിട്ടുണ്ട്. ട്രംപിൻ്റെ അനുബന്ധ ബിസിനസുകളും മികച്ച നേട്ടമുണ്ടാക്കി. നിലവില്‍ ഏകദേശം 700 കോടി ഡോളറോളം നേട്ടം മറ്റുകമ്ബനികളുമുണ്ടാക്കി. ഇന്നലെ രാത്രി ഇന്ത്യന്‍ സമയം രാത്രി 10.30 ഓടെയായിരുന്നു ഡൊണാള്‍ഡ് ട്രംപ് കാപിറ്റോള്‍ മന്ദിരത്തില്‍ സത്യപ്രതിജ്ഞ ചെയ്ത് അധികാരമേറ്റത്. ട്രംപിന് പുറമേ വൈസ് പ്രസിഡന്റായി ജെഡി വാന്‍സും സത്യപ്രതിജ്ഞ ചെയ്തു. മുൻ അമേരിക്കന്‍ പ്രസിഡന്റ് ജോ ബൈഡന്‍, മുൻ വൈസ് പ്രസിഡന്റ് കമലാ ഹാരിസ്, ഒബാമയും ബുഷും അടക്കമുള്ള മുൻ പ്രസിഡന്റുമാർ, ലോക നേതാക്കള്‍ അടക്കമുള്ളവര്‍ ട്രംപിന്റെ സത്യപ്രതിജ്ഞാ ചടങ്ങിന് സാക്ഷിയാകാന്‍ എത്തിയിരുന്നു. ചരിത്രത്തിലാദ്യമായാണ് അമേരിക്കൻ കോടതി കുറ്റവാളിയെന്ന് വിധിച്ചൊരാള്‍ പ്രസിഡൻ്റായി അധികാരമേല്‍ക്കുന്നത്
