ഇന്ത്യയോടുള്ള ബന്ധം സൗകര്യം പോലെ, യഥാര്‍ത്ഥ സുഹൃത്ത് ചൈനയെന്ന് ബംഗ്ലാദേശ് സൈനിക മേധാവി;
ന്യൂഡല്‍ഹി : രാജ്യതലസ്ഥാനത്ത് അനധികൃതമായി താമസിച്ചിരുന്ന ബംഗ്ലാദേശ് പൗരനെ പിടികൂടി ബംഗ്ലാദേശിലേക്ക് നാടുകടത്തി വസന്ത് കുഞ്ച് സൗത്ത് പോലീസ് നടത്തിയ പരിശോധനയെ തുടർന്നാണ് ബംഗ്ലാദേശിലെ ധാക്കയിലെ ഡെമ്ര ഗ്രാമത്തില്‍ എംഡി ബബ്ലു എന്ന അനധികൃത കുടിയേറ്റക്കാരനെ ഫോറിനേഴ്സ് റീജിയണല്‍ രജിസ്ട്രേഷൻ ഓഫീസ് (എഫ്‌ആർആർഒ) വഴി ബംഗ്ലാദേശിലേക്ക് നാടുകടത്തിയത്.ചൊവ്വാഴ്ച വൈകുന്നേരത്തെ പട്രോളിങ്ങിനിടെ പ്രദേശത്ത് അനധികൃത ബംഗ്ലാദേശ് പൗരനെക്കുറിച്ച്‌ ലഭിച്ച സൂചനയുടെ അടിസ്ഥാനത്തിലാണ് അധികൃതർ നടപടിയെടുത്തതെന്ന് ഉദ്യോഗസ്ഥർ പറഞ്ഞു. വിവരമറിഞ്ഞ് സ്ഥലത്തെത്തിയ സംഘം ബബ്ലുവിനെ പിടികൂടുകയായിരുന്നു. പ്രാദേശത്ത് ഒരു തിരിച്ചറിയല്‍ രേഖയുമില്ലാതെയാണ് ഇതുവരെ ഇയാള്‍ കഴിഞ്ഞിരുന്നതെന്ന് പോലീസ് പറഞ്ഞു.ബംഗ്ലാദേശ് പൗരന്മാർ ഉള്‍പ്പെടെയുള്ള കുടിയേറ്റക്കാർ തലസ്ഥാനത്ത് അനധികൃതമായി താമസിക്കുന്നതിനെക്കുറിച്ചുള്ള വർദ്ധിച്ചുവരുന്ന ആശങ്കകള്‍ക്ക് മറുപടിയായി സാധുവായ ഇന്ത്യൻ രേഖകളില്ലാതെ താമസിക്കുന്ന വ്യക്തികളെ തിരിച്ചറിയാനും തടങ്കലിലാക്കാനും തിരിച്ചയക്കാനുമുള്ള ശ്രമങ്ങള്‍ സൗത്ത് വെസ്റ്റ് ഡിസ്ട്രിക്റ്റ് പോലീസ് ശക്തമാക്കിയിട്ടുണ്ട്. സമഗ്രമായ തിരച്ചില്‍ നടത്താനും രേഖകളില്ലാത്ത കുടിയേറ്റക്കാരെ കണ്ടെത്താൻ രഹസ്യാന്വേഷണം ശേഖരിക്കാനും ഒരു സംഘത്തെ ഇതിനായി നിയോഗിച്ചിട്ടുണ്ട്. രാവും പകലും പട്രോളിംഗും കാര്യക്ഷമമായ ജാഗ്രതയും നിയമവിരുദ്ധ പ്രവർത്തനങ്ങള്‍ക്കെതിരെ മുൻകൈയെടുക്കുന്ന നടപടികളും ഈ പ്രത്യേക പോലീസ് സംഘം നടത്തിവരുന്നു. അതേസമയം ബംഗ്ലാദേശില്‍ നിന്നുള്ള 25-ലധികം അനധികൃത കുടിയേറ്റക്കാരെ ദല്‍ഹി പോലീസ് തിരിച്ചറിഞ്ഞിട്ടുണ്ടെന്നും അവരെ അവരുടെ രാജ്യത്തേക്ക് നാടുകടത്താനുള്ള നടപടികള്‍ ആരംഭിച്ചതായും ഒരു ഉദ്യോഗസ്ഥൻ പറഞ്ഞു. ദല്‍ഹി ലെഫ്റ്റനൻ്റ് ഗവർണർ വിനയ് കുമാർ സക്‌സേനയുടെ നിർദേശപ്രകാരമാണ് ബംഗ്ലാദേശില്‍ നിന്നുള്ള അനധികൃത കുടിയേറ്റക്കാരെ കണ്ടെത്താനുള്ള നീക്കം നടക്കുന്നതെന്ന് പ്രത്യേക പോലീസ് കമ്മീഷൻ ഓഫ് ലോ ആൻഡ് ഓർഡർ മധുപ് തിവാരി പറഞ്ഞു. ദക്ഷിണമേഖലയായ സോണ്‍ 2ല്‍ ഇതുവരെ 25-ലധികം അനധികൃത കുടിയേറ്റക്കാരെ കണ്ടെത്തി. അവരെ നാടുകടത്താനുള്ള പ്രവർത്തനങ്ങളും ആരംഭിച്ചിട്ടുണ്ട്.കൂടുതല്‍ അനധികൃത കുടിയേറ്റക്കാരെ കണ്ടെത്താനുള്ള ശ്രമങ്ങള്‍ തുടരുകയാണെന്നും അദ്ദേഹം കൂട്ടിച്ചേർത്തു.
