കാട്ടിറച്ചിയുമായി അച്ഛനും മകനും പിടിയില്‍;
മലപ്പുറം: വെണ്ടേക്കുംപൊട്ടിയില്‍ കാട്ടിറച്ചിയുമായി രണ്ട് പേർ അറസ്റ്റില്‍. സ്ഥലത്ത് നായാട്ട് പതിവാണെന്ന് നിലമ്ബൂർ ഫ്ലൈയിങ് സ്ക്വാഡിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് പ്രതികളെ പിടികൂടിയത്.വെണ്ടേക്കുംപൊട്ടി സ്വദേശി ജോണ്‍സണ്‍ എന്നയാളുടെ വീട്ടില്‍ നിന്നാണ് 12.5 കിലോയിലധികം ഭാരം വരുന്ന മാംസം കണ്ടെത്തിയത്.പാകം ചെയ്തതും അല്ലാത്തതുമായ വന്യമൃഗങ്ങളുടെ മാംസമാണ് പിടിച്ചെടുത്തത്.കത്തികളും സെർച്ച്‌ ലൈറ്റുകളും ഒരു നാടൻ തോക്കും വീട്ടില്‍ നിന്ന് കണ്ടെടുത്തു. ജോണ്‍സണെയും മൂത്ത മകൻ ജിബി ജോണിനെയും ഫ്ലൈയിങ് സ്ക്വാഡ് കസ്റ്റഡിയിലെടുത്തു. മറ്റൊരു മകനായ സിജോ ജോണിനു വേണ്ടിയിട്ടുള്ള അന്വേഷണം ഊർജിതമാക്കി ഉദ്യോഗസ്ഥർ.
