വാഷിങ്ടൺ: ഒരു ഓറഞ്ച് ജ്യൂസ് കുടിക്കാൻ ഇറങ്ങി ലോട്ടറി എടുത്ത സ്ത്രീക്ക് ലഭിച്ച് രണ്ട് കോടി രൂപയുടെ സമ്മാനം. അമേരിക്കയിലെ നോർത്ത് കരോലിനയിൽ നിന്നുള്ള കെല്ലി സ്പാർ എന്ന സ്ത്രീക്കാണ് അപ്രതീക്ഷിതമായി വമ്പൻ തുക സമ്മാനമായി ലഭിച്ചത്. ഓറഞ്ച് ജ്യൂസ് കുടിക്കാൻ ഇറങ്ങിയപ്പോൾ ലോട്ടറിയിൽ ഭാഗ്യം പരീക്ഷിക്കാൻ തീരുമാനിച്ചതാണ് അവരുടെ ജീവിതം മാറ്റിമറിച്ചത്.
സൂപ്പർ മാർക്കറ്റിൽനിന്ന് ഓറഞ്ച് ജ്യൂസ് എടുക്കുന്നതിനിടെയാണ് ലോട്ടറി ടിക്കറ്റുകൾ തൻ്റെ ശ്രദ്ധയിൽപ്പെട്ടതെന്ന് കെല്ലി പറഞ്ഞു. പുതിയ ടിക്കറ്റുകൾ കണ്ടപ്പോൾ അതിലൊന്ന് എടുക്കാമെന്ന് കരുതി. അവർ പറഞ്ഞു. കെല്ലി എടുത്ത ടിക്കറ്റിന് 250,000 ഡോളർ (ഏകദേശം 2.1 കോടി) രൂപയാണ് സമ്മാനമായി അടിച്ചത്. ഇത് തങ്ങളുടെ ജീവിതത്തെ മാറ്റിമറിക്കുന്ന തുകയാണെന്നാണ് അവർ പറയുന്നു. ഈ പണം തൻ്റെ കുടുംബത്തിന് ഏറെ ഗുണം ചെയ്യുമെന്നും ഇത് തങ്ങൾക്ക് മുന്നിൽ കൂടുതൽ അവസരങ്ങള്‍ തുറന്നിടുന്നുവെന്നും അവർ കൂട്ടിച്ചേർത്തു.
