ഡോക്ടര്‍ വന്ദന ദാസ് കൊലപാതകം; പ്രതി സന്ദീപിന് ഇടക്കാല ജാമ്യമില്ല
കൊച്ചി: ഡോക്ടർ വന്ദന ദാസ് കൊലപാതകക്കേസില്‍ ഇടക്കാല ജാമ്യത്തിനുള്ള പ്രതി സന്ദീപിന്‍റെ അപേക്ഷ സുപ്രിം കോടതി തള്ളി.പ്രതിയുടെ മാനസികനില പരിശോധിക്കാൻ മെഡിക്കല്‍ ബോർഡ് രൂപീകരിച്ചെന്ന് സംസ്ഥാന സർക്കാർ അറിയിച്ചു. മാനസികനില സംബന്ധിച്ച്‌ റിപ്പോർട്ട് മൂന്നാഴ്ചക്കുള്ളില്‍ സമർപ്പിക്കാൻ കോടതി നിര്‍ദേശം നല്‍കി.ജാമ്യാപേക്ഷ തള്ളിയ ഹൈക്കോടതി വിധിക്കെതിരെ സന്ദീപ് സുപ്രിം കോടതിയെ സമീപിക്കുകയായിരുന്നു. കഴിഞ്ഞ തവണ ഹരജി പരിഗണിച്ചപ്പോള്‍ പ്രതി സന്ദീപിൻ്റെ മാനസികനില പരിശോധിക്കാൻ സംസ്ഥാന സർക്കാരിന് കോടതി നിർദേശം നല്‍കിയിരുന്നു. ഇത് സംബന്ധിച്ച റിപ്പോർട്ട് സമർപ്പിക്കുവാനും ആവശ്യപ്പെട്ടിരുന്നു.
