കെഎസ്‌ആര്‍ടിസി ബസ് തലകീഴായി മറിഞ്ഞു; മുപ്പതോളം പേര്‍ക്ക് പരിക്ക്
മലപ്പുറം: മലപ്പുറം തലപ്പാറയില്‍ കെഎസ്‌ആര്‍ടിസി ബസ് തലകീഴായി മറിഞ്ഞ് അപകടം. അപകടത്തില്‍ മുപ്പതോളം യാത്രക്കാര്‍ക്ക് പരിക്കേറ്റു.ആരുടെയും പരിക്ക് ഗുരുതരമല്ല. പാടത്തേയ്ക്കാണ് ബസ് മറിഞ്ഞത്.ഇന്നലെ രാത്രി പത്തരയ്ക്ക് ശേഷമാണ് അപകടമുണ്ടായത്. തിരുവനന്തപുരത്ത് നിന്നുവന്ന ബസാണ് അപകടത്തില്‍പ്പെട്ടത്. നിയന്ത്രണം നഷ്ടപ്പെട്ട ബസ് സമീപത്തെ പാടത്തേയ്ക്ക് മറിയുകയായിരുന്നു. ബസിന്റെ വശങ്ങള്‍ തകര്‍ക്കും ചില്ലുകള്‍ വെട്ടിപ്പൊളിച്ചുമാണ് നാട്ടുകാര്‍ ആളുകളെ പുറത്തേക്കെടുത്തത്.പരിക്കേറ്റവരെ സമീപത്തെ സ്വകാര്യ ആശുപത്രിയിലേക്കും തിരൂരങ്ങാടി താലൂക്ക് ആശുപത്രിയിലേക്കും മാറ്റി. പതിവായി അപകടമുണ്ടാകുന്ന സ്ഥലമാണ് ഇതെന്നാണ് നാട്ടുകാര്‍ പറയുന്നത്.
