അമേരിക്കയില്‍ വ്യോമാഭ്യാസത്തിനിടെ വിമാനങ്ങള്‍ കൂട്ടിയിടിച്ച്‌ തകര്‍ന്നു
ന്യൂയോര്‍ക്ക്: അമേരിക്കയില്‍ എയര്‍ ഷോയ്ക്കിടെ, രണ്ട് യുദ്ധവിമാനങ്ങള്‍ തമ്മില്‍ കൂട്ടിയിടിച്ച്‌ ആറുപേര്‍ മരിച്ചതായി റിപ്പോര്‍ട്ട്.അഭ്യാസ പ്രകടനത്തിനിടെ, ബോയിങ് ബി17 യുദ്ധ വിമാനവും ചെറിയ യുദ്ധവിമാനവും തമ്മിലാണ് കൂട്ടിയിടിച്ചത്.
ശനിയാഴ്ച ടെക്‌സാസ് ഡല്ലാസ് എക്‌സിക്യൂട്ടീവ് വിമാനത്താവളത്തിലാണ് സംഭവം. ഇടിയുടെ ആഘാതത്തില്‍ യുദ്ധവിമാനങ്ങള്‍ താഴേക്ക് പതിച്ച്‌ കത്തിനശിച്ചു.
ബി 17 ബോംബര്‍ വിമാനത്തിന്റെ മുകളിലാണ് ബെല്‍ പി63 കിങ് കോബ്ര ഇടിച്ചത്. നിയന്ത്രണം വിട്ട കിങ് കോബ്ര ബോംബറിന്റെ മുകളില്‍ ഇടിക്കുകയായിരുന്നു. ഇടിയുടെ ആഘാതത്തില്‍ രണ്ടുവിമാനങ്ങളും തകര്‍ന്ന് രണ്ടു കഷ്ണങ്ങളായെന്ന് ദൃശ്യങ്ങള്‍ വ്യക്തമാക്കുന്നു. സംഭവത്തില്‍ യുഎസ് ഫെഡറല്‍ ഏവിയേഷന്‍ അഡ്മിനിസ്‌ട്രേഷന്‍ അന്വേഷണത്തിന് ഉത്തരവിട്ടു.
