കാനഡയില്‍ തൂക്കുസര്‍ക്കാര്‍; ട്രൂഡോ പ്രധാനമന്ത്രിയായേക്കും

മോണ്‍​ഡ്രിയല്‍: കാനഡ ഫെഡറല്‍ തെരഞ്ഞെടുപ്പില്‍ രണ്ടാം തവണയും പ്രധാനമന്ത്രി ജസ്​റ്റിന്‍ ട്രുഡോയുടെ പാര്‍ട്ടിക്ക് വിജയം. എന്നാല്‍ മതിയായ ഭൂരിപക്ഷം ഇല്ലാത്തതിനാല്‍ മറ്റ്​ പാര്‍ട്ടികളുടെ കൂടി പിന്തുണയോടെ മാത്രമേ ഭരിക്കാനാവൂ. ഇതോടെ കാനഡയില്‍ തൂക്കു സര്‍ക്കാര്‍​ ഉറപ്പായി. ഫലമറിഞ്ഞ 304 സീറ്റില്‍ ട്രുഡോയുടെ ലിബറല്‍ പാര്‍ട്ടി ഓഫ്​ കാനഡക്ക്​ 146 സീറ്റാണ്​ ലഭിച്ചത്​. എന്നാല്‍ ഭൂരിപക്ഷ സര്‍ക്കാറുണ്ടാക്കാന്‍ 170 സീറ്റുകള്‍ വേണം. അതേസമയം, ട്രുഡോ സര്‍ക്കാര്‍ പരാജയമാണെങ്കില്‍ കണ്‍സര്‍വേറ്റീവ്​ പാര്‍ട്ടി, സര്‍ക്കാര്‍ രൂപീകരണത്തിന്​ തയാറാവുമെന്നും തങ്ങള്‍ വിജയിക്കുമെന്നും കണ്‍സര്‍വേറ്റീവ്​ നേതാവ്​ ആന്‍ഡ്ര്യൂ സച്ചീര്‍ വ്യക്തമാക്കി. ജസ്​റ്റിന്‍ ട്രൂഡോയുടെ വിജയത്തില്‍ യു.എസ്​ പ്രസിഡന്‍റ്​ ഡോണള്‍ഡ്​ ട്രംപ്​ ആശംസകള്‍ അറിയിച്ച്‌​ ട്വീറ്റ്​ ചെയ്​തു. '' മികച്ച പോരാട്ട വിജയത്തിന്​ ട്രൂഡോക്ക്​ ആശംസകള്‍ നേരുന്നു. ഇരു രാഷ്​ട്രങ്ങളുടേയും പുരോഗതിക്കായി താങ്ക​േളാടൊപ്പം പ്രവര്‍ത്തിക്കാന്‍ ആഗ്രഹിക്കുന്നു.'' എന്നായിരുന്നു ട്വീറ്റ്​. കഴിഞ്ഞ വര്‍ഷം നടന്ന ജി 7 ഉച്ചകോടിയില്‍ ട്രൂഡോയെ ട്രംപ്​ നെറിയില്ലാത്തയാള്‍ എന്ന്​ വിശേഷിപ്പിച്ചിരുന്നു. തന്നേയും ത​​െന്‍റ പാര്‍ട്ടിയേയും വിജയിപ്പിച്ചതിന്​ വോട്ടര്‍മാര്‍ക്ക്​ നന്ദി അറിയിച്ചുകൊണ്ട്​ ട്രൂഡോ ട്വീറ്റ്​ ചെയ്​തു. കാനഡയെ ശരിയായ പാതയില്‍ നയിക്കുന്നതിന്​ തന്നില്‍ വിശ്വാസമര്‍പ്പിച്ചതിന്​ നന്ദിയുണ്ടെന്നും കാനഡക്കാര്‍ക്ക്​ വേണ്ടി ത​​െന്‍റ ടീം കഠിന പ്രയത്​നം ചെയ്യുമെന്നും ട്രൂഡോ വ്യക്തമാക്കി.