പുല്‍വാമയില്‍ ഏറ്റുമുട്ടല്‍: തീവ്രവാദിയെ വധിച്ചു

ശ്രീനഗര്‍: ജമ്മുകശ്​മീരിലെ പുല്‍വാമ ജില്ലയിലുണ്ടായ ഏറ്റുമുട്ടലില്‍ സൈന്യം തീവ്രവാദിയെ വധിച്ചു. ചൊവ്വാഴ്​ച രാവിലെ അവന്തിപുരയിലാണ്​ സൈന്യവും തീവ്രവാദികളും തമ്മില്‍ ഏറ്റുമുട്ടലുണ്ടായത്​.വെടിവെപ്പില്‍ ഒരു തീവ്രവാദി കൊല്ലപ്പെട്ടതായി സൈനിക വൃത്തങ്ങള്‍ അറിയിച്ച​ു. പ്രദേശത്ത്​ ഏറ്റുമുട്ടല്‍ തുടരുകയാണ്​. ഏതുഗ്രൂപ്പിലുള്ള തീവ്രവാദികളാണ്​ ആക്രമണം നടത്തിയതെന്നോ കൊല്ലപ്പെട്ടയാളുടെ വിവരങ്ങളോ സൈന്യം പുറത്തുവിട്ടിട്ടില്ല.