പതിവായി ബ്രോയിലര്‍ ചിക്കന്‍ കഴിക്കുന്നത്‌ ക്യാന്‍സര്‍ ഉള്‍പ്പടെ പലവിധ ആരോഗ്യപ്രശ്‌നങ്ങള്‍ക്കു കാരണമാകുമെന്നാണ്‌ പുതിയ പഠനറിപ്പോര്‍ട്ടും വ്യക്തമാക്കുന്നത്‌. ഗോവയിലെ ഐഎംഎ(ഇന്ത്യന്‍ മെഡിക്കല്‍ അസോസിയേഷന്‍) ഘടകം നടത്തിയ പഠനത്തിലാണ്‌ ഇക്കാര്യം വ്യക്തമായത്‌. ദേശീയ ഡോക്‌-ടര്‍ ദിനാചരണത്തിന്‍െറ ഭാഗമായി നടന്ന ചടങ്ങില്‍ പഠനത്തെക്കുറിച്ചുള്ള വിവരങ്ങള്‍ ഗോവയിലെ ഡ്രഗ്‌ കണ്‍ട്രോളര്‍ വിഭാഗവുമായി ഐഎംഎ പ്രതിനിധികള്‍ ചര്‍ച്ച ചെയ്‌തു. ബ്രോയ്‌-ലര്‍ ചിക്കന്റെ ഉപയോഗം വ്യാപകമായ ഗോവയില്‍ പ്രതിവര്‍ഷം ഇരുന്നൂറോളം പേര്‍ക്കു ക്യാന്‍സര്‍ പിടിപെടുന്നുണ്ട്‌. ഇതില്‍ പകുതിയോളം സ്‌-ത്രീകള്‍ക്കാണ്‌. ബ്രോയ്‌-ലര്‍ ചിക്കനില്‍ അമിതമായ അളവില്‍ വളര്‍ച്ചാ ഹോര്‍മോണ്‍ കുത്തിവെക്കുന്നുണ്ട്‌. ഇതാണ്‌ ക്യാന്‍സര്‍ ഉള്‍പ്പടെയുള്ള മാരകമായ ആരോഗ്യപ്രശ്‌നങ്ങള്‍ക്കു കാരമാകുന്നതെന്നു ഐഎംഎ വക്താവ്‌ സീതാകാന്ത്‌ ഘനേക്കര്‍ പറയുന്നു.

പെണ്‍കുട്ടികള്‍ സ്ഥിരമായി ബ്രോയ്‌-ലര്‍ ചിക്കന്‍ കഴിക്കുന്നതുകാരണം ആര്‍ത്തവചക്രത്തിന്‍െറ ആരംഭം നേരത്തെയാകുന്നതായും പഠനത്തില്‍ പറയുന്നു. 14, -15 വയസിലാണ്‌ സാധാരണയായി പെണ്‍കുട്ടികളില്‍ ആര്‍ത്തവചക്രം ആരംഭിക്കേണ്ടത്‌. എന്നാല്‍ അത്‌ ഇപ്പോള്‍ 12 വയസ്സായി മാറിയിട്ടുണ്ട്‌. എന്നാല്‍ ചില കുട്ടികളില്‍ എട്ടാമത്തെ വയസില്‍പ്പോലും ആര്‍ത്തവചക്രം ആരംഭിക്കുന്നുണ്ട്‌. ഇതിനുകാരണം ബ്രോയ്‌-ലര്‍ ചിക്കന്‍െറ അമിത ഉപയോഗമാണെന്നും ഐഎംഎ വക്താവ്‌ ചൂണ്ടിക്കാട്ടുന്നു.