മോദിക്ക് വിജയാശംസകള്‍ നേര്‍ന്ന് ശ്രീലങ്കൻ പ്രസിഡൻ്റും ഇസ്രായേൽ പ്രധാനമന്ത്രിയും

വൻ ഭൂരിപക്ഷത്തോടെ വീണ്ടും അധികാരത്തിലേക്ക് മോദി സര്‍ക്കാര്‍ എത്തുകയാണ്. ഇതിന് മുന്നോടിയായി ബിജെപി ആസ്ഥാനത്ത് ആഹ്ലാദപ്രകടനങ്ങള്‍ ആരംഭിച്ചു. 'ഹര് ഹര് മോദി, വന്ദേ മാതരം' എന്ന മുദ്രാവാക്യങ്ങള്‍ ഉയര്‍ത്തിയാണ് ആഹ്ലാദപ്രകടനം പുരോഗമിക്കുന്നത്.

ന്യൂഡൽഹി: ലോക്സഭാ തെരഞ്ഞെടുപ്പിൽ മിന്നും വിജയം നേടിയ പ്രധാനമന്ത്രി നരേന്ദ്രമോദിക്ക് ആശംസകളുമായി രാജ്യാന്തര തലത്തിലെ നേതാക്കള്‍. ശ്രീലങ്കൻ പ്രസിഡൻ്റ് മൈത്രിപാലാ സിരിസേനയും ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുമാണ് വിജയാശംസകൾ നേര്‍ന്ന് രംഗത്തെത്തിയിരിക്കുന്നത്.

'എൻ്റെ സുഹൃത്ത് നരേന്ദ്രമോദിക്ക് എല്ലാവിധ വിജയാശംസകളും നേരുന്നു. ഈ തെരഞ്ഞെടുപ്പ് ഫലം നിങ്ങളുടെ നേതൃത്വപാഠവത്തെ അംഗീകരിക്കുന്നതാണ്. ഇന്ത്യ-ഇസ്രായേൽ സൗഹൃദം ശക്തിപ്പെടുത്തും' ബെഞ്ചമിൻ നെതന്യാഹു ട്വിറ്ററിലൂടെ കുറിച്ചു.