മുംബൈ: ലോകകപ്പ് ക്രിക്കറ്റിനായി ഇന്ത്യൻ ടീം ഇംഗ്ലണ്ടിലേക്ക് തിരിച്ചു. മുംബൈ അന്താരാഷ്ട്ര വിമാനത്താവളത്തിൽ നിന്നാണ് ക്യാപ്റ്റൻ വിരാട് കോഹ‍്‍ലിയുടെ നേതൃത്വത്തിലുള്ള ടീം തിരിച്ചത്. ഔദ്യോഗിക യൂണിഫോം അണിഞ്ഞാണ് 15 അംഗ ഇന്ത്യൻ ടീം എയർപോർട്ടിലെത്തിയത്.


മെയ് 30 മുതൽ ഇംഗ്ലണ്ടിലും വെയിൽസിലുമായാണ് ലോകകപ്പ് ക്രിക്കറ്റ് ആരംഭിക്കുന്നത്. ജൂൺ അഞ്ചിന് ദക്ഷിണാഫ്രിക്കക്കെതിരെയാണ് ലോകകപ്പിൽ ഇന്ത്യയുടെ ആദ്യമത്സരം.


രണ്ട് വാം അപ് മത്സരങ്ങൾ ഇന്ത്യ കളിക്കും. ന്യൂസിലൻറിനും ബംഗ്ലാദേശിനും എതിരെയാണ് ഇന്ത്യയുടെ മത്സരങ്ങൾ.



ലോകകപ്പിനുള്ള ഇന്ത്യൻ ടീം: വിരാട് കോഹ്ലി, രോഹിത് ശർമ, ശിഖർ ധവാൻ, കെഎൽ രാഹുൽ, വിജയ് ശങ്കർ, ധോണി, കേദാർ ജാദവ്, ദിനേശ് കാർത്തിക്, ചാഹൽ, പാണ്ഡ്യ, ബുംറ, ഷമി, രവീന്ദ്ര ജഡേജ, കുൽദീപ് യാദവ്, ഭുവനേശ്വർ കുമാർ