ഷിക്കാഗോ തിരുഹ്യദയ ക്നാനായ കത്തോലിക്കാ ഫൊറോനായിൽ 40-‌‌ഓളം പേർ മാതാവിന്റെ വിമല ഹ്യദയത്തിൽ പ്രതിഷ്ഠിക്കപ്പെട്ടു

ഷിക്കാഗൊ: ഓഗസ്റ്റ് 15 ബുധനാഴ്ച പരിശുദ്ധ മാതാവിന്റെ സ്വർഗ്ഗാരോഹണ തിരുന്നാൾ ദിവസം, ഫൊറോനാ വികാരി വെരി റെവ. ഫാ. എബ്രാഹം മുത്തോലത്തിന്റേയും, വുമൺസ് മിനിസ്ട്രി കോർഡിനേറ്റർ ഷീബാ മുത്തോലത്തിന്റേയും നേത്യുത്വത്തിൽ 40-ഓളം പേർ മാതാവിന്റെ വിമല ഹ്യദയത്തിൽ പ്രതിഷ്ഠിക്കപ്പെട്ടു. ഷിക്കാഗോ തിരുഹ്യദയ ക്നാനായ കത്തോലിക്കാ ഫൊറൊനാ പള്ളിയിൽ, ഒറീസ്സായിലെ ബാലസോർ രൂപതാധ്യക്ഷൻ ബിഷപ്പ് മാർ സൈമൺ കായിപ്പുറം മുഖ്യകാർമികനും, റെവ. ഫാ. എബ്രാഹം മുത്തോലത്ത് സഹകാർമികനുമായി വിശുദ്ധ ബലി അർപ്പിച്ചതിനുശേഷമാണ് ഈ ഫൊറൊനായിലെ ഇഥംപ്രദമായുള്ള ഈ വിമല ഹ്യദയ പ്രതിഷ്ഠ പ്രാർത്ഥന നടന്നത്.