ബി.ജെ.പിയും പി.ഡി.പിയും സഖ്യം അവസാനിപ്പിച്ചതില്‍ ജമ്മുകശ്​മീരിലുള്ളവര്‍ക്കോ, പുറത്തുള്ളവര്‍ക്കോ ദുഃഖമില്ല. ഇന്ന്​ അല്ലെങ്കില്‍ നാളെ അത്​ സംഭവിക്കുമെന്ന്​ ഉറപ്പായിരുന്നു. പരസ്​പരം പൊരുത്തപ്പെടാന്‍ കഴിയാത്ത രണ്ടു പാര്‍ട്ടികള്‍ മൂന്നു വര്‍ഷം ഒന്നിച്ചു നീങ്ങിയതിലാണ്​ അത്​ഭുതം. കശ്​മീരി​ന്‍റെ അശാന്തിക്ക് ബി.ജെ.പിയുടെ പക്കലുള്ള ഉത്തരം, ഉരുക്കുമുഷ്​ടി പ്രയോഗമാണ്​. എന്നാല്‍ സാന്ത്വന സ്​പര്‍ശമാണ്​ പി.ഡി.പി പിറന്നത് മുതല്‍ മുന്നോട്ടുവെച്ച ആശയം. എന്നിട്ടും രണ്ടു കൂട്ടരും ഒന്നിപ്പിച്ചത്​ അവരുടെ അവസരവാദ രാഷ്​ട്രീയമാണ്.

 

2015ല്‍ പി.ഡി.പിയേക്കാള്‍ സഖ്യത്തിന്​ കൊതിച്ചത്​ ബി.ജെ.പിയാണ്​. രാജ്യത്തെ ഏക മുസ്​ലിം ഭൂരിപക്ഷ സംസ്​ഥാനത്ത്​ സഖ്യകക്ഷി സ​മ്ബ്രദായത്തിലൂടെയാണെങ്കിലും കാവിരാഷ്​ട്രീയം അധികാരത്തില്‍ പങ്കാളിയാകുന്നത് മറ്റാരേക്കാള്‍ പ്രധാനമന്ത്രി നരേന്ദ്രമോദിയുടെ അത്യാഗ്രഹം കൂടിയായിരുന്നു. കശ്​മീര്‍ വിഷയത്തില്‍ വാജ്​പേയിയെ കടത്തിവെട്ടുന്ന വിജയം ചരിത്രത്തില്‍ രേഖപ്പെടുത്താനുള്ള ത്വര അതില്‍ തെളിഞ്ഞുകിടന്നു. ബി.ജെ.പിയെങ്കില്‍ ബി.ജെ.പിയെന്ന്​ പി.ഡി.പി ചിന്തിച്ചത്​, അധികാരക്കൊതിയല്ലാതെ മറ്റൊന്നും കൊണ്ടല്ല. അങ്ങനെയെല്ലാമാണ്​ ബി.ജെ.പിയുടെ അതിദേശീയതയും പി.ഡി.പിയുടെ മൃദുതീവ്രതയും അധികാരത്തി​​​​െന്‍റ പല്ലക്കില്‍ക്കയറി മൂന്നു വര്‍ഷം ഒന്നിച്ചു മുന്നോട്ടു നീങ്ങിയത്​. അധികാരത്തില്‍ പങ്കാളിയാകാന്‍ പി.ഡി.പിയെ കപട ലാളനയുടെ കെണിയില്‍ വീഴ്​ത്തിയ ബി.ജെ.പി, 2019​​ല്‍ വീണ്ടും കേന്ദ്രാധികാരം പിടിക്കാനുള്ള വെമ്ബലില്‍ സഖ്യകക്ഷിയെ വീണ്ടുമൊരിക്കല്‍ കൂടി കെണിയില്‍ ചാടിക്കുകയോ ചതിക്കുകയോ ചെയ്​തു. സഖ്യം അവസാനിപ്പിക്കുന്നുവെന്ന്​ നാടകീയമായി ആദ്യം പ്രഖ്യാപിച്ചപ്പോള്‍ അതാണ്​ സംഭവിച്ചത്​.

 

പി.ഡി.പിയുടെ മൃദുതീവ്രതയുമായി ഒത്തുപോകാന്‍ കഴിയില്ലെന്ന്​ ജമ്മുവിലെയും പുറത്തെയും ഹിന്ദു ജനസാമാന്യത്തോട്​ വിളിച്ചു പറയുക എന്നതാണ്​ അതിലൂടെ ബി.ജെ.പി ഉദ്ദേശിച്ചത്​. ആര്‍.എസ്​.എസ്​ എടുത്ത സുചിന്തിതമായ തീരുമാനമാണ്​ പുറത്തുവന്നത്​. പി.ഡി.പിയുമായി അധികാരം പങ്കിട്ടതും കശ്​മീരില്‍ ചുരുങ്ങിയ കാലം വെടി​നിര്‍ത്തല്‍ പ്രഖ്യാപിച്ചതുമൊക്കെ ഇഷ്​ടപ്പെടാത്ത ജമ്മുവിലെയും മറ്റും തങ്ങളുടെ വോട്ടുബാങ്കിനെ മാനസികമായി തൃപ്​തിപ്പെടുത്തുകയാണ്​ ബി.ജെ.പി ചെയ്​തത്​. അത്​ 2019ല്‍ ഗുണം ചെയ്യുമെന്നാണ്​ കണക്കു കൂട്ടല്‍. കശ്​മീരില്‍ മയമുള്ള നിലപാട്​ വേണമെന്ന് ബി.ജെ.പിയോട്​ വാദിച്ചു തോല്‍ക്കാനാണ്​ ഇത്രകാലം പി.ഡി.പിക്ക്​ കഴിഞ്ഞതെങ്കില്‍, ഇനിയങ്ങോട്ട് ഉരുക്കുമുഷ്​ടി പ്രയോഗത്തോട്​ പ്രതിഷേധിക്കേണ്ട ചുറ്റുപാടാണ്​ മെഹ്​ബൂബ മുഫ്​തിക്കും മറ്റും വന്നുചേരുക.

 

ബി.ജെ.പിയുമായി സന്ധി ചെയ്​തതു മുതല്‍ സ്വന്തം സ്വാധീന മേഖലയായ തെക്കന്‍ കശ്​മീരില്‍ പി.ഡി.പിയില്‍ നിന്ന്​ അകന്നുമാറി നില്‍ക്കുന്നവരോട്​ പ്രായശ്ചിത്ത രൂപേണ പെരുമാറാനും സ്വാധീനം ഒരളവില്‍ തിരിച്ചു പിടിക്കാനും അതുവഴി കഴിയുമെന്ന കണക്കു കൂട്ടലും മെഹ്​ബൂബക്ക്​ ഉണ്ടായിരിക്കണം. വഴിപിരിഞ്ഞ സഖ്യകക്ഷികള്‍ അങ്ങനെ വീണ്ടും കപട രാഷ്​ട്രീയത്തിലേക്ക്​ തിരിയു​േമ്ബാള്‍ കശ്​മീരിലെ ചോരച്ചാലുകള്‍ക്ക്​ ശക്​തി കൂടുമെന്നു വേണം കരുതാന്‍. കശ്​മീരില്‍ സാന്ത്വന സ്​പര്‍ശനമില്ല, അതിനുവേണ്ടിയുള്ള വേണ്ടിയുള്ള നിലവിളികള്‍ മാത്രമാണുള്ളത്​. ഉരുക്കുമുഷ്​ടി പ്രയോഗത്തി​​​​െന്‍റ കരുത്ത്​ കൂടിക്കൂടി വരുകയുമാണ്​. ബി.ജെ.പി നടത്തുന്ന ഗവര്‍ണര്‍ഭരണത്തിനു കീഴില്‍ സൈന്യവും പൊലീസും നടത്തുന്ന തീവ്രവാദ വേട്ട, ഇന്നത്തേക്കാള്‍ ഭീകരമായിരിക്കുമെന്ന്​ തീര്‍ച്ച.

 

നക്​സല്‍ വേട്ടക്ക്​ കുപ്രസിദ്ധി നേടിയ ഛത്തിസ്​ഗഡില്‍ നിന്ന്​ തെരഞ്ഞെടുക്കപ്പെട്ട ​െഎ.എ.എസുകാരനെ ചീഫ്​ സെക്രട്ടറിയായി നിയമിച്ചു കഴിഞ്ഞു. നക്​സല്‍വേട്ടയുടെ വിദഗ്​ധനായ കെ. വിജയകുമാറും അവിടേക്ക്​ നിയോഗിക്കപ്പെട്ടിരിക്കുന്നു. അതിദേശീയതയുടെ കശ്​മീര്‍ ഗീര്‍വാണങ്ങള്‍ ഇനി ഉയര്‍ന്നു കേള്‍ക്കാം. അതിനിടയില്‍ ജനാധിപത്യവും മനുഷ്യാവകാശവും അലമുറയിടുന്നത്​ കേള്‍ക്കാതെ പോയെന്നും വരും. പി.ഡി.പി-ബി.ജെ.പി സഖ്യം വീണ്ടും മുന്നോട്ടുപോയിരുന്നെങ്കില്‍ കശ്​മീരികളുടെ കഷ്​ടതക്ക്​ ചില ഇളവുകള്‍ കിട്ടിയേനെ എന്ന്​ അതിനര്‍ഥമില്ല. മൃദുതീവ്രതയുടെ ആശയങ്ങളാണ്​ പി.ഡി.പിക്കെന്ന്​ അറിഞ്ഞുകൊണ്ടു തന്നെ അവരുടെ തണല്‍പറ്റി മുന്നോട്ടു നീങ്ങിയ ബി.ജെ.പി, കശ്​മീരില്‍ സാന്ത്വനത്തി​​​​െന്‍റ നയതന്ത്രം പരീക്ഷിക്കണമെന്ന്​ ഉദ്ദേശിച്ചി​േട്ടയില്ല. ​ഉദ്ദേശിച്ചിരുന്നെങ്കില്‍, മൂന്നു വര്‍ഷത്തിനിടയില്‍ കേന്ദ്രസര്‍ക്കാറിന്​ ആ നയതന്ത്രം പുറത്തെടുക്കാന്‍ അവസരമുണ്ടായിരുന്നു. മുദുതീവ്രതക്കാരായ സഖ്യകക്ഷിയുടെ ​േതാളത്ത് ചവിട്ടി നിന്ന്​ കശ്​മീരില്‍ 'തീവ്രവാദ വേട്ട' നടത്തുകയാണ്​ കേന്ദ്രസര്‍ക്കാര്‍ ചെയ്​തുവന്നത്​.

 

തീവ്രവാദ വേട്ടയുടെ പേരില്‍ കശ്​മീരില്‍ അടിച്ചമര്‍ത്തല്‍ ശക്​തമാക്കുകയാണ്​ ചെയ്​തത്​. കേന്ദ്ര, സംസ്​ഥാന സര്‍ക്കാറുകളോട്​ കശ്​മീരികള്‍ക്കിടയില്‍ വര്‍ധിച്ച അവിശ്വാസം യുവരോഷവും കല്ലേറുമൊക്കെയായി അലയടിക്കുകയും ചെയ്​തു. അതിനെ ബൂട്ടും പെല്ലറ്റും കൊണ്ട്​ സുരക്ഷാ സേന നേരിട്ടു. വിട്ടുവീഴ്​ചക്ക്​ പ്രതിപക്ഷ പാര്‍ട്ടികളില്‍ നിന്ന്​ നിലവിളി ഉയര്‍ന്നു. സമാശ്വാസത്തി​​​​െന്‍റ സര്‍വകക്ഷി സംഘത്തെ കശ്​മീരിലേക്ക്​ അയക്കാന്‍ പോലും കേന്ദ്രസര്‍ക്കാറിന് മേല്‍ അത്രമേല്‍ സമ്മര്‍ദം വേണ്ടിവന്നു എന്നതാണ്​ യാഥാര്‍ഥ്യം. സര്‍വകക്ഷി സംഘത്തില്‍ പെട്ടവര്‍ ഹുര്‍രിയത്​ കോണ്‍ഫറന്‍സ്​ അടക്കമുള്ള വിമത നേതാക്കളെ കാണുന്നതിന്​ കേന്ദ്രത്തി​​​​െന്‍റ അനുമതി ഉണ്ടായിരുന്നില്ല. എല്ലാ വിഭാഗത്തില്‍ പെട്ടവരെയും വിശ്വാസത്തിലെടുക്കുന്ന സംഭാഷണ പ്രക്രിയയാണ്​ കശ്​മീരില്‍ വേണ്ടതെന്ന്​ ചൂണ്ടിക്കാണിക്ക​െപ്പട്ടതാണ്​. അക്രമം അവസാനിപ്പിച്ചു വരുന്നവരോട്​ ചര്‍ച്ചയാകാമെന്ന നിലപാടിലായിരുന്നു കേന്ദ്രം. കശ്​മീരി​ല്‍ വേണ്ടത്​ രാഷ്​​്ട്രീയ പരിഹാരമാണെന്ന യാഥാര്‍ഥ്യം വിലപ്പോയില്ല. ഇതെല്ലാം പി.ഡി.പിയുടെ മുഖ്യമന്ത്രി അധികാരത്തില്‍ തുടരു​േമ്ബാള്‍ തന്നെയായിരുന്നു. മധ്യസ്​ഥനെ വെച്ചതും ഒരു മാസം വെടിനിര്‍ത്തല്‍ പ്രഖ്യാപിച്ചതുമൊക്കെ അവരുടെ സമ്മര്‍ദം കൊണ്ടു തന്നെ. എന്നാല്‍ അവിശ്വസിക്കുന്ന സര്‍ക്കാറി​​​​െന്‍റ ആത്​മാര്‍ഥതയില്ലാത്ത നാട്യങ്ങള്‍ ഒരു പ്രയോജനവും ചെയ്​തില്ല. കശ്​മീരില്‍ ഉരുക്കുമുഷ്​ടി പ്രയോഗിക്കുന്നതു തന്നെയാണ്​ തങ്ങള്‍ക്ക്​ യോജിച്ച രാഷ്​ട്രീയ നിലപാടെന്ന തീരുമാനത്തിലേക്ക്​ ബി.ജെ.പി അതിനിടയില്‍ എത്തിക്കഴിഞ്ഞിരുന്നു. അതുകൊണ്ടു തന്നെ വെടിനിര്‍ത്തല്‍ നീ​േട്ടണ്ടതില്ലെന്നു തീരുമാനിച്ചു. സംഭാഷണ പ്രക്രിയക്ക്​ നിയോഗിച്ച മധ്യസ്​ഥന്‍ ഒരു പരിഹാസ രൂപം മാത്രമായി മാറി.

 

നേരത്തെ പറഞ്ഞപോലെ, അതിദേശീയതയുടെയും ഹിന്ദുത്വ അഭിമാനത്തി​​​​െന്‍റയും ഗീര്‍വാണങ്ങള്‍ ഇനി ശക്​തമാകും. കശ്​മീരിന്​ പ്രത്യേക പദവി നല്‍കുന്ന ഭരണഘടനയുടെ 370ാം വകുപ്പ്​ എടുത്തുകളയണമെന്ന മുറവിളിയുടെ, പാക്​ അതിര്‍ത്തിയിലെ വെടിയൊച്ചകളുടെയും കശ്​മീരില്‍ ഞെരിയുന്ന ബൂട്ടുകളുടെയും അടമ്ബടിയോടെ, 2019 കടന്നുപോകും. പത്തു വര്‍ഷത്തിനിടയില്‍ നാലാംവട്ടം ഗവര്‍ണര്‍ ഭരണമേര്‍പ്പെടുത്തിയ ജമ്മുകശ്​മീരില്‍ മെഹ്​ബൂബ മുഫ്​തിക്കു ശേഷം, 51ാമത്തെ മുഖ്യമന്ത്രി വരാന്‍ എത്രകാലം ജനാധിപത്യ ഇന്ത്യ കാത്തിരിക്കേണ്ടി വരുമെന്ന ​ആശങ്ക നിറഞ്ഞ ചോദ്യം ബാക്കിയാവുകയാണ്​. ജമ്മുകശ്​മീര്‍ തെരഞ്ഞെടുപ്പിലെ വോട്ടിങ്​ ശതമാനത്തിലേക്ക്​ വിരല്‍ചൂണ്ടി, ജനാധിപത്യ പ്രക്രിയയുടെ വിജയത്തില്‍ ആഹ്ലാദിച്ചവര്‍ ഉന്നയിക്കുന്ന വലിയ ചോദ്യവും അതുതന്നെ. കല്ലേറുകളും വെടിയൊച്ചകളും നിലക്കാത്ത നാടായി മാറിയ ജമ്മുകശ്​മീരില്‍ ഏറ്റവുമൊടുവില്‍ നടന്ന തെരഞ്ഞെടുപ്പില്‍ ഏഴു ശതമാനം മാത്രമായിരുന്നു പോളിങ്​. അനന്തനാഗ്​ ലോക്​സഭ ഉപതെരഞ്ഞെടുപ്പ്​ നടത്താന്‍ കഴിഞ്ഞിട്ടില്ല. 2019ലെ ലോക്​സഭ തെരഞ്ഞെടുപ്പിലേക്കും ഇൗ ആശങ്കക​േളാടെയാണ്​ കണ്ണയക്കേണ്ടത്​. അതെ: കശ്​മീരില്‍ നിന്ന്​ ഒരു മന്ത്രിസഭ വീണതി​​​​െന്‍റ നിലവിളിയല്ല, ഇരുട്ടും ചോരയും വീണ ഭാവിയുടെ നിലവിളിയാണ്​ ഉയരുന്നത്​.