എന്നാൽ എറ്റ്‌ന പർവ്വതം പൊട്ടിത്തെറിച്ച് ഇത്തരം ഭയപ്പെടുത്തുന്ന അഗ്നിക്കാറ്റുകൾ ഉണ്ടാകുന്നത് അപൂർവ്വമാണെന്നാണ് ഇറ്റലിയിലെ നാഷണൽ ഇൻസ്റ്റിറ്റ്യൂട്ട് ഫോർ ജിയോഫിസിക്‌സ് ആൻഡ് വോൾക്കാനോ സയൻസിലെ വിദഗ്ധർ അഭിപ്രായപ്പെടുന്നത്. മാത്രമല്ല അക്രമാസക്തമായ സ്‌ഫോടനങ്ങളിലോ കടലിനടുത്തുള്ള അഗ്‌നിപർവ്വതങ്ങളിലോ ഇത്തരത്തിൽ സംഭവിക്കാമെന്നും അവർ കൂട്ടിച്ചേർത്തു.

ഫെബ്രുവരി 10 ന് ഉണ്ടായ സ്‌ഫോടനം അൽപം കാഠിന്യമുള്ളതായിരുന്നു എങ്കിലും നാശനഷ്ടങ്ങളൊന്നും ഉണ്ടായിട്ടില്ല. പൊടിപടലങ്ങളും പുകയും കലർന്ന വായു ഏകദേശം 6 മൈലിലധികം ദൂരം സഞ്ചരിച്ചിരുന്നു.

ഇറ്റലിയിലെ മൗണ്ട് എറ്റ്‌ന എന്ന അഗ്‌നിപർവ്വതം നേരത്തെയും പല തവണ പൊട്ടിത്തെറിച്ചിട്ടുണ്ട്. ഈയടുത്ത് 2015 ലും 2021 ലും പർവ്വതം പൊട്ടിത്തെറിച്ചിട്ടുണ്ട്. മൊത്തം അമ്പത് തവണയെങ്കിലും എറ്റ്‌ന അഗ്നിപർവ്വതം പൊട്ടിത്തെറിച്ചിട്ടുണ്ടെന്നാണ് ശാസ്ത്രജ്ഞർ പറയുന്നത്. 2015ലുണ്ടായ സ്‌ഫോടനത്തിൽ ഉയർന്ന പൊടിപടലങ്ങൾ ഏകദേശം ഏഴ് കിലോമീറ്റർ വരെയുള്ള പ്രദേശത്തെ മൂടിയിരുന്നു. ഡിസംബർ 2നായിരുന്നു പൊട്ടിത്തെറിക്കാൻ തുടങ്ങിയത്. ഇതിന്റെ ദൃശ്യങ്ങൾ ലാൻഡ്സാറ്റ് 8-ലെ ഓപ്പറേഷണൽ ലാൻഡ് ഇമേജർ (OLI) പകർത്തിയിരുന്നു. അഗ്നിപർവ്വതത്തിൽ നിന്ന് തെക്കുകിഴക്ക് ഭാഗത്തേക്ക് ഒഴുകുന്ന ലാവയയുടേയും ചാരത്തിന്റെയും ദൃശ്യങ്ങളാണ് ഓപ്പറേഷണൽ ലാൻഡ് ഇമേജർ പകർത്തിയത്.