ഉക്രൈനിലേക്കുള്ള വിമാന സര്‍വീസുകളെ കോവിഡ് നിയന്ത്രണങ്ങളില്‍ നിന്ന് ഒഴിവാക്കാന്‍ കേന്ദ്ര സര്‍ക്കാര്‍ തീരുമാനം.ഉക്രൈനിലെ യുദ്ധഭീതി കണക്കിലെടുത്താണ് തീരുമാനം.സീറ്റുകള്‍ ,സര്‍വീസുകളുടെ സമയക്രമം എന്നിവയില്‍ നിയന്ത്രണം ഉണ്ടാവില്ല.വിമാനങ്ങളുടെ എണ്ണം, വിമാനത്തില്‍ യാത്രചെയ്യുന്നവരുടെ എണ്ണം എന്നിവയിലടക്കം ഏര്‍പ്പെടുത്തിയ നിയന്ത്രങ്ങളാണ് കേന്ദ്രസര്‍ക്കാര്‍ പിന്‍വലിച്ചത്. കഴിഞ്ഞ ദിവസം ഈ വിഷയത്തില്‍ വ്യോമയാന മന്ത്രാലയം വിദേശകാര്യമന്ത്രാലയവുമായി ചര്‍ച്ചനടത്തിയിരുന്നു. ഉക്രെയിനിലെ ഇന്ത്യക്കാരുടെ ആശങ്ക കൂടെ കണക്കിലെടുത്താണ് തീരുമാനം. നിലവില്‍ 18000 ഇന്ത്യന്‍ വിദ്യാര്‍ഥികള്‍ ഉക്രെയിനില്‍ തുടര്‍പഠനം നടത്തുന്നുണ്ട്. വിദ്യാര്‍ഥികള്‍ക്ക് പുറമെ ജോലി ആവശ്യാര്‍ഥവും മറ്റും ഇന്ത്യയില്‍ നിന്ന് പോയവര്‍ക്കും നിയന്ത്രണങ്ങള്‍ നീക്കുന്നത് ഗുണകരമാവും.