ദേശീയഗാനത്തെ അപമാനിച്ചെന്ന കേസില്‍ പശ്ചിമ ബംഗാള്‍ മുഖ്യമന്ത്രി മമത ബാനര്‍ജിക്ക് മുംബൈ കോടതി ബുധനാഴ്ച സമന്‍സ് അയച്ചു.ദേശീയ ഗാനത്തോട് അനാദരവ് കാണിച്ചെന്ന കേസില്‍ മാര്‍ച്ച്‌ ​രണ്ടിന് ഹാജരാകാന്‍ നിര്‍ദ്ദേശിച്ചു.

കഴിഞ്ഞ ഡിസംബറില്‍ മുംബൈയില്‍ നടന്ന ചടങ്ങിനിടെ മമത ബാനര്‍ജി ദേശീയഗാനത്തെ അനാദരിച്ചു എന്നാണ്​ കേസ്​. തൃണമൂല്‍ കോണ്‍ഗ്രസ് മേധാവി കൂടിയായ മമത നഗര സന്ദര്‍ശനത്തിനിടെ ദേശീയ ഗാനത്തോട് അനാദരവ് കാണിച്ചുവെന്നാരോപിച്ച്‌ മുംബൈ ബി.ജെ.പി യൂനറ്റ് ഭാരവാഹി വിവേകാനന്ദ് ഗുപ്ത 2021 ഡിസംബറില്‍ മഡ്​ഗാവിലെ മെട്രോപൊളിറ്റന്‍ മജിസ്‌ട്രേറ്റ് കോടതിയെ സമീപിക്കുകയായിരുന്നു. തുടര്‍ന്നാണ്​ കേസ്​ എടുക്കുന്നത്​. മഹാരാഷ്ട്രയിലെ ശിവസേന, എന്‍.സി.പി നേതാക്കളെ കാണാനാണ്​ മമത മുംബൈയില്‍ വന്നത്​.