സ്വീഡനില്‍ നിന്നും എടി4 ലോഞ്ചര്‍ സ്വന്തമാക്കാനൊരുങ്ങി ഇന്ത്യന്‍ സൈന്യം

ഹെലികോപ്റ്ററുകള്‍, പീരങ്കികള്‍, കവചിത വാഹനങ്ങള്‍ തുടങ്ങി എന്തിനെയും ഛിന്നഭിന്നമാക്കാന്‍ ഇവയ്ക്കു സാധിക്കും. ഹ്രസ്വമായ ദൂരപരിധിക്കുള്ളില്‍ നിന്നും ശത്രുക്കളെ നശിപ്പിക്കാനും ശേഷിയുള്ളതാണിത്. നൈറ്റ് വിഷന്‍ സംവിധാനമുള്ള ഈ ലോഞ്ചറുകള്‍ക്ക്‌ 500 മീറ്റര്‍ വരെ പ്രഹരപരിധിയുണ്ട്. 8 കിലോഗ്രാം ഭാരം വരുന്ന ഇവ, അനായാസം തോളില്‍ വെച്ച്‌ വിക്ഷേപിക്കാന്‍ സാധിക്കും. ഇസ്ലാമിക് സ്റ്റേറ്റ്, അല്‍ ഖ്വൈയ്ദ ഭീകരര്‍ക്കെതിരെയുള്ള പോരാട്ടത്തില്‍ അഫ്ഗാനിസ്ഥാനിലും മധ്യേഷ്യന്‍ രാജ്യങ്ങളിലും അമേരിക്ക ഉപയോഗിക്കുന്നത് സ്വീഡന്റെ ഇത്തരത്തിലുള്ള ആയുധങ്ങളാണ്.