ഡല്‍ഹി : മദര്‍ തെരേസ സ്ഥാപിച്ച മിഷണറീസ് ഓഫ് ചാരിറ്റിയുടെ അക്കൗണ്ടുകള്‍ മരവിപ്പിച്ച്‌ കേന്ദ്ര സര്‍ക്കാര്‍.മതപരിവര്‍ത്തനം ആരോപിച്ച്‌ മിഷണറീസ് ഓഫ് ചാരിറ്റിയുടെ ഗുജറാത്ത് ഘടകത്തിനെതിരെ കേസെടുത്തതിന് പിന്നാലെയാണ് ഈ നടപടി. പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജിയാണ് ഇക്കാര്യം ട്വിറ്ററിലൂടെ അറിയിച്ചത്. കേന്ദ്ര നീക്കം ഞെട്ടിച്ചുവെന്നും ഇത് അംഗീകരിക്കാന്‍ സാധിക്കില്ലെന്നും മമതാ ബാനര്‍ജി പ്രതികരിച്ചു.