5ജി സ്‌പെക്‌ട്രം വില്‍പന ഇന്ത്യക്ക് വന്‍ നഷ്ടം ഉണ്ടാക്കാമെന്ന് വിയസാറ്റ്

ഇന്ത്യ 28 ഗിഗാഹെട്‌സ് ബാന്‍ഡ് 5ജി സേവനത്തിനായി ലേലത്തില്‍ വിറ്റാല്‍ രാജ്യത്തിന് 184.6 ബില്ല്യന്‍ ഡോളര്‍ നഷ്ടം വരാമെന്നാണ് ആഗോള സാറ്റലൈറ്റ് കമ്യൂണിക്കേഷന്‍ സേവനദാതാവ് വിയസാറ്റ് . കൂടാതെ ബഹിരാകാശ സമ്ബദ്‌വ്യവസ്ഥയുടെ ഗുണം രാജ്യത്തിനു ലഭിക്കാതെ പോയേക്കാമെന്നും മുന്നറിയിപ്പു നല്‍കുന്നു.

2030നു മുന്‍പ് വരാവുന്ന നഷ്ടമാണ് വിയസാറ്റ് കണക്കുകൂട്ടി പറഞ്ഞിരിക്കുന്നത്. എംഎംവേവ് എന്നറിയപ്പെടുന്ന ഈ സ്‌പെക്‌ട്രം ആഗോള തലത്തില്‍ തന്നെ 5ജിക്കായി ഉപയോഗിക്കപ്പെടുന്നില്ല. പിന്നെ എന്തിനാണ് ഇന്ത്യ ആ വഴിക്കു നീങ്ങുന്നതെന്ന് വിയസാറ്റ് ചോദിക്കുന്നു. ഇന്ത്യയിലെ 5ജി സ്‌പെക്‌ട്രം ലേലത്തില്‍ 28 ഗിഗാഹെടസ് വേവ് ഉള്‍പ്പെടുത്തുന്നത് രാജ്യത്തിന്റെ സ്‌പേസ് ഇക്കോണമിക്ക് ദോഷകരമായിരിക്കുമെന്ന കാര്യത്തില്‍ തങ്ങള്‍ക്ക് ആശങ്കയുണ്ടെന്നും വിയസാറ്റ് പറയുന്നു.