ഇറാഖില്‍ റോക്കറ്റ് ആക്രമണം. ബാഗ്ദാദിലെ ഗ്രീന്‍ സോണില്‍ രണ്ട് റോക്കറ്റുകള്‍ പതിച്ചു. സംഭവത്തില്‍ ആളപായം റിപ്പോര്‍ട്ട് ചെയ്തിട്ടില്ല.പുലര്‍ച്ചെയോടെയായിരുന്നു ആക്രമണം ഉണ്ടായതെന്നാണ് റിപ്പോര്‍ട്ടുകള്‍.

ഗ്രീന്‍ സോണിലെ അമേരിക്കന്‍ എംബസിയ്‌ക്ക് സമീപമായിരുന്നു റോക്കറ്റുകള്‍ പതിച്ചത്.സംഭവത്തില്‍ രണ്ട് കാറുകള്‍ തകര്‍ന്നു. ഒരു റോക്കറ്റ് അന്തരീക്ഷത്തില്‍വെച്ചു സി-റാം പ്രതിരോധ സംവിധാനം ഉപയോഗിച്ച്‌ നിര്‍വ്വീര്യമാക്കിയതായി അധികൃതര്‍ അറിയിച്ചു. സംഭവത്തില്‍ ഇറാഖ് സൈന്യം അന്വേഷണം പ്രഖ്യാപിച്ചിട്ടുണ്ട്.