മദ്യപിക്കുന്നവരുടെ കണക്കില്‍ കേരളം ദേശീയ ശരാശരിയെക്കാളും മുന്നില്‍

ബിവറേജസ് കോര്‍പറേഷന്റെ കണക്കുകളില്‍ ആലപ്പുഴക്കാരുടെ ഇഷ്ടമദ്യം റം ആണ്. കഴിഞ്ഞ ഒരു മാസത്തെ കണക്കില്‍ 90,684 കെയ്‌സ് റം ആണ് ആലപ്പുഴക്കാര്‍ കുടിച്ചത്. ബാക്കി ഇനങ്ങളും ബിയറും എല്ലാം കൂടി 1.4 ലക്ഷം കെയ്‌സ് ചെലവായി. അതേസമയം ആലപ്പുഴയിലെ സ്ത്രീകളില്‍ 0.2 ശതമാനം മാത്രമാണ് മദ്യപിക്കുന്നത്.മദ്യപിക്കുന്നവരുടെ കണക്കില്‍ കേരളം ദേശീയ ശരാശരിയെക്കാളും മുന്നിലാണ്. 15 വയസിന് മുകളിലുള്ള പുരുഷന്‍മാരില്‍ ദേശീയ ശരാശരി 18.8 ശതമാനം മദ്യപിക്കുമ്ബോള്‍ കേരളത്തില്‍ ഇത് 19.9 ശതമാനമാണ്. കേരളത്തില്‍ നഗരങ്ങളില്‍ 18.7 ശതമാനവും ഗ്രാമങ്ങളില്‍ 21 ശതമാനവും പുരുഷന്‍മാര്‍ മദ്യപിക്കുമെന്നും സര്‍വേ പറയുന്നു.