രാജ്യത്ത്​ 60 ശതമാനം വിദ്യാര്‍ഥികള്‍ക്കും ഓണ്‍ലൈന്‍ പഠന സൗകര്യം ലഭ്യമായില്ലന്ന് റിപ്പോര്‍ട്ട്

രാജ്യത്തെ 60 ശതമാനം വിദ്യാര്‍ഥികള്‍ക്ക്​ ഓണ്‍ലൈന്‍ പഠന സൗകര്യം ലഭ്യമല്ലെന്ന്​ അസിം പ്രേംജി ഫൗണ്ടേഷന്‍റെ കണക്കുകള്‍ സൂചിപ്പിക്കുന്നു. നഗരങ്ങളിലെ സ്വകാര്യ സ്​കൂള്‍ വിദ്യാര്‍ഥികളും ഇന്‍റര്‍നെറ്റ്​ സിഗ്​നല്‍, വേഗത പ്രശ്​നങ്ങളില്‍ ബുദ്ധിമുട്ടിയതായി’ ഓക്​സ്​ഫാം’ ഇന്ത്യ പറയുന്നു. കൂടാതെ മൊബൈല്‍ ഡേറ്റ നിരക്കുകളുടെ വര്‍ധനയും
വിദ്യാര്‍ഥികള്‍ക്ക് തിരിച്ചടിയായി.

20 ശതമാനം വിദ്യാര്‍ഥികള്‍ക്ക്​ മാത്രമാണ്​ മഹാമാരി സമയത്ത്​ കൃത്യമായി വിദ്യാഭ്യാസം ലഭിച്ചത്​. എന്നാല്‍ ഇതിന്‍റെ പകുതിയോളം പേര്‍ മാത്രമാണ്​ ലൈവ്​ ക്ലാസുകളില്‍ പങ്കെടുത്തതെന്നും ഐ.സി.ആര്‍.ഐ.ഇ.ആറും എല്‍.ഐ.ആര്‍.എന്‍.ഇ ഏഷ്യയും നടത്തിയ സാമ്ബ്​ള്‍ സര്‍വേ പഠനത്തില്‍ സൂചിപ്പിക്കുന്നു. ഓണ്‍ലൈന്‍ വിദ്യാഭ്യാസത്തില്‍ മാത്രമല്ല, സ്​കൂളില്‍ നിന്ന്​ വിദ്യാര്‍ഥികളുടെ കൊഴിഞ്ഞുപോക്കിലും വര്‍ധനവുണ്ടായി . 38 ശതമാനം കുടുംബങ്ങളില്‍ ഒരു വിദ്യാര്‍ഥിയെങ്കിലും പഠനം നിര്‍ത്തി.

കോവിഡ്​ കാലയളവില്‍ ​ ഡിജിറ്റല്‍ വിദ്യാഭ്യാസമാണ്​ കുട്ടികളുടെ പഠനം തുടരാനുള്ള ഏക മാര്‍ഗം . പരമ്ബരാഗത സ്​കൂള്‍ വിദ്യാഭ്യാസമാണോ ഡിജിറ്റല്‍ വിദ്യാഭ്യാസമാണോ എന്നത്​ അനുസരിച്ച്‌​ ഭാവിയില്‍ ഇത്തരം പ്രശ്​നങ്ങള്‍ അഭിമുഖീകരിക്കേണ്ടിവന്നാല്‍ അതിനെ നേരിടാനുള്ള വഴി കണ്ടെത്തണം -വിദ്യാഭ്യാസ വിദഗ്​ധ അമൃത സിങ്​ വ്യക്തമാക്കുന്നു .