കോവിഡ്​ പ്രതിസന്ധി മാറിയതോടെ ഉപഭോഗം വര്‍ധിച്ചതും എണ്ണവില ഉയരാന്‍ കാരണമായിട്ടുണ്ട്​. നിലപാടില്‍ മാറ്റമില്ലെന്ന ഒപെക്​ മന്ത്രിതല സമിതിയുടെ പ്രഖ്യാപനം വന്നതോടെ ആഗോള വിപണിയില്‍ ഒരു ഡോളര്‍ വരെയാണ്​എണ്ണവില കൂടിയത്​. നിലവിലെ സാഹചര്യത്തില്‍ വില വീണ്ടും വര്‍ധിക്കാന്‍ തന്നെയാണ്​ സാധ്യതയെന്ന്​ സാമ്ബത്തിക വിദഗ്​ധര്‍ വ്യക്​തമാക്കുന്നു. ഉല്‍പാദക രാജ്യങ്ങള്‍ക്ക്​ ഗുണവും ഇറക്കുമതി രാജ്യങ്ങള്‍ക്ക്​ വന്‍തിരിച്ചടിയുമാണ്​ ഒപെക്​ തീരുമാനം. അതേ സമയം പ്രതിദിന എണ്ണ ഉല്‍പാദനത്തില്‍ ആവശ്യകത മുന്‍നിര്‍ത്തി നേരിയ വര്‍ധനയെന്ന നേരത്തെയുള്ള തീരുമാനത്തില്‍ മാറ്റമില്ലെന്ന്​ ഒപെക്​ അറിയിച്ചിട്ടുണ്ട്​. എണ്ണവില പിടിച്ചു നിര്‍ത്താന്‍ ഗണ്യമായ ഉല്‍പാദന വര്‍ധനവിന്​ ഒപെക്​ തയാറാകണം എന്നായിരുന്നു യു.എസ്​ പ്രസിഡന്‍റ്​ജോ ബൈഡ​നും ഇന്ത്യ, ജപ്പാന്‍ എന്നീ രാജ്യങ്ങളും ഒപെകിനോട്​ ആവശ്യപ്പെട്ടത്​. സൗദി അറേബ്യ, യു.എ.ഇ എന്നീ രാജ്യങ്ങള്‍ക്കു മേല്‍ വലിയ സമ്മര്‍ദം രൂപപ്പെടുത്താനും ​അമേരിക്ക നീക്കം നടത്തിയിരുന്നു. ​. 2022 വരെ പ്രതിദിന ഉല്‍പാദനത്തില്‍ കേവലം നാല്​ ലക്ഷം ബാരലി​െന്‍റ വര്‍ധന മതിയെന്നാണ്​ ഒപെക്​ തീരുമാനം. ആഗോളവിപണിയില്‍ 2014നു ശേഷമുള്ള ഏറ്റവും ഉയര്‍ന്ന നിരക്കിലാണ്​ എണ്ണവില്‍പന തുടരുന്നത്​.