കേരളത്തിലെ സ്കൂളുകള്‍ വീണ്ടും ഉണര്‍ന്നു, ഒന്നര വര്‍ഷത്തെ ഇടവേളയ്ക്ക് ശേഷം എത്തിയത് പത്തുലക്ഷത്തോളം കുട്ടികള്‍

തിരുവനന്തപുരം: മാസ്കിട്ട് ഗ്യാപ്പിട്ട് ഒന്നര വര്‍ഷത്തെ ഇടവേളയ്ക്ക് ശേഷം സംസ്ഥാനത്തെ സ്‌കൂളുകളിലെ പ്രവേശനോത്സവത്തിന് ഗംഭീര തുടക്കം.

പത്തുലക്ഷത്തോളം കുട്ടികളാണ് ഇന്ന് സ്കൂളുകളിലേക്ക് എത്തിയത്. സംസ്ഥാനതല പ്രവേശനോത്സവം രാവിലെ 8.30ന് പ്രവേശനോത്സവത്തിന്റെ സംസ്ഥാനതല ഉദ്ഘാടനം തിരുവനന്തപുരം ഗവ. കോട്ടണ്‍ഹില്‍ യുപി സ്കൂളില്‍ വിദ്യാഭ്യാസമന്ത്രി വി ശിവന്‍കുട്ടി നിര്‍വഹിച്ചു. കൊവിഡ് മാനദണ്ഡങ്ങള്‍ പാലിച്ച്‌ വിദ്യാഭ്യാസരംഗത്തെ മുന്നോട്ടു കൊണ്ടുപോകാന്‍ എല്ലാവരുടെയും പിന്തുണ ലഭിച്ചതായി മന്ത്രി പറഞ്ഞു. അമ്മ പരിപാലിക്കുന്നതുപോലെ കുട്ടികള്‍ക്ക് സ്‌കൂളുകളില്‍ സുരക്ഷ ഒരുക്കുമെന്നും അദ്ദേഹം വ്യക്തമാക്കി.കുട്ടികള്‍ സ്കൂളിലേക്ക് എത്തുമ്ബോള്‍ രക്ഷിതാക്കള്‍ക്ക് ആശങ്ക വേണ്ടെന്ന് മുഖ്യമന്ത്രി പിണറായി വിജയനും അറിയിച്ചു.