എറണാകുളത്തെ ക്വാറികളുടെ പ്രവര്‍ത്തനം 24 വരെ നിര്‍ത്തിവച്ചു

കനത്ത മഴ സംബന്ധിച്ച്‌ മുന്നറിയിപ്പ് ലഭിച്ച സാഹചര്യത്തില്‍ എറണാകുളം ജില്ലയിലെ എല്ലാവിധ ക്വാറി പ്രവര്‍ത്തനങ്ങളും ഉടന്‍പ്രാബല്യത്തില്‍ നിര്‍ത്തി വച്ച്‌ ഉത്തരവിട്ട് എറണാകുളം കലക്ടര്‍ ജാഫര്‍ മാലിക്. ഈ നിരോധനം 24.10.2021 (ഞായര്‍) വരെ നിലനില്‍ക്കുന്നതാണ്. മേല്‍ ഉത്തരവ് നടപ്പിലാക്കുന്നതിന് ജിയോളജിസ്റ്റ്, മൈനിംഗ് & ജിയോളജി വകുപ്പ്, എറണാകുളം, ബന്ധപ്പെട്ട് തഹസില്‍ദാര്‍മാര്‍, സബ് ഇന്‍സ്പെക്ടര്‍ ഓഫ് പൊലീസ് എന്നിവരെ ചുമതലപ്പെടുത്തിയതായും കലക്ടര്‍ അറിയിച്ചു.