യു.പിയിലെ 40 ശതമാനം സീറ്റുകള്‍​ വനിതകള്‍ക്ക്​ നല്‍കുമെന്ന് പ്രിയങ്ക ഗാന്ധി

ലഖ്​നൗ: ഉത്തര്‍പ്രദേശ്​ നിയമസഭ​ തെരഞ്ഞെടുപ്പില്‍ 40 ശതമാനം സീറ്റുകള്‍ വനിതകള്‍ക്ക്​ നല്‍കുമെന്ന്​ എ.ഐ.സി.സി ജനറല്‍ സെക്രട്ടറി പ്രിയങ്ക ഗാന്ധി. നിയസഭ തെരഞ്ഞെടുപ്പിനുള്ള ഒരുക്കങ്ങള്‍ക്കായി ലഖ്​നൗവിലെത്തിയ പ്രിയങ്ക മാധ്യമങ്ങളോട്​ സംസാരിക്കുകയായിരുന്നു.

'' സ്​ത്രീകള്‍ ഉത്തര്‍പ്രദേശ്​ നിയമസഭ തെരഞ്ഞെടുപ്പില്‍ സജീവമായുണ്ടാകും. രാഷ്​ട്രീയ പാര്‍ട്ടികള്‍ ചിന്തിക്കുന്നത്​ എല്‍.പി.ജി സിലിണ്ടര്‍ നല്‍കി സ്​ത്രീകളെ സംതൃപ്​തരാക്കാമെന്നാണ്​. സ്​ത്രീകള്‍ക്ക്​ ഇത്രയും പ്രാതിനിധ്യം നല്‍കാന്‍ തീരുമാനിക്കുന്നത്​ ഉന്നാവോ ബലാംത്സംഗ ഇരക്കും, ഹഥ്രസില്‍ നീതി ലഭിക്കാത്ത പെണ്‍കുട്ടിക്കും, ലഖിംപൂര്‍ ഖേരിയില്‍ വെച്ച്‌​ കണ്ടപ്പോള്‍ ഇന്ത്യന്‍ പ്രധാനമന്ത്രിയാക​ണമെന്ന്​ ആഗ്രഹം ​പ്രകടിപ്പിച്ച പെണ്‍കുട്ടിക്കും വേണ്ടിയാണ്​. ഉത്തര്‍ പ്രദേശ്​ പുരോഗമിക്കണമെന്ന്​ ആഗ്രഹിക്കുന്ന ഓരോ പെണ്‍കുട്ടിക്കും വേണ്ടിയാണ്​ à´ˆ തീരുമാനം. വിദ്വേഷ രാഷ്​ട്രീയത്തെ അവസാനിപ്പിക്കാന്‍ സ്​ത്രീകള്‍ക്കേ കഴിയൂ'' -പ്രിയങ്ക പറഞ്ഞു. ​ സ്​ത്രീകളോട്​ തന്റെ  തോളോട്​ തോള്‍​ ചേര്‍ന്ന്​ തെരഞ്ഞെടുപ്പ്​ പോരാട്ടത്തിന്​ ഇറങ്ങാനും പ്രിയങ്ക ആവശ്യപ്പെട്ടു.

തെരഞ്ഞെടുപ്പ്​ അടുക്കുന്നതോടെ ലഖ്​നൗവില്‍ സ്ഥിരതാമസമാക്കി തെരഞ്ഞെടുപ്പ്​ പ്രചാരണത്തില്‍ സജീവമാക്കാനാണ്​ പ്രിയങ്കയുടെ പദ്ധതി. ഉത്തര്‍പ്രദേശില്‍ കോണ്‍ഗ്രസ്​ ഇപ്പോള്‍ നടത്തുന്ന കാമ്ബയിന്‍ മുമ്ബത്തെ രണ്ടെണ്ണവുമായി താരതമ്യം ചെയ്യുമ്പോൾ ഏറെ വ്യത്യസ്​തമാണ്​. 2009 ലോക്​സഭാ തെരനഞ്ഞെടുപ്പിലെ മെച്ചപ്പെട്ട പ്രകടനത്തിനുശേഷം 2012ലും 2017ലും നിയമസഭ തെരഞ്ഞെടുപ്പിന്‍റെ അങ്കത്തട്ടിലിറങ്ങിയ കോണ്‍ഗ്രസിന്​ ഏറെ നിരാശ സമ്മാനിച്ചതായിരുന്നു ഫലം. ക​ഴിഞ്ഞ തവണത്തേതു​േപാലെ ഇക്കുറിയും സമാജ്​ വാദി പാര്‍ട്ടിക്കൊപ്പം ചേര്‍ന്ന്​ മുന്നണിയായി മത്സരിക്കുന്നതില്‍ താല്‍പര്യമുണ്ടെന്ന്​ കോണ്‍ഗ്രസ്​ വ്യക്​തമാക്കിയിട്ടുണ്ട്​. എന്നാല്‍, എസ്​.പി ഇതേക്കുറിച്ച്‌​ ഇതുവരെ പ്രതികരിച്ചിട്ടില്ല.

കര്‍ഷകരെ കാറിടിച്ചുകൊന്ന സംഭവത്തില്‍ വീട്ടുതടങ്കലിലായതും ലഖിംപൂര്‍ ഖേരിയില്‍ കൊല്ലപ്പെട്ട കര്‍ഷകരുടെ കുടുംബങ്ങളെ സന്ദര്‍ശിച്ചതും പിന്നാലെ നരേന്ദ്ര മോദിയുടെ തട്ടകമായ വാരണാസിയിലെ ഉജ്ജ്വല റാലിയും പ്രിയങ്കയെ കൂടുതല്‍ പ്രിയങ്കരിയാക്കിയിട്ടുണ്ട്​. യു.പിയില്‍ പ്രിയങ്കയെക്കുറിച്ചും കോണ്‍ഗ്രസിനെക്കുറിച്ചും ആളുകള്‍ കൂടുതല്‍ സംസാരിച്ചു തുടങ്ങിയതായി​ 'ദ ക്വിന്‍റ്​' റിപ്പോര്‍ട്ട്​ ചെയ്യുന്നു. പ്രിയങ്ക വന്നതോടെ വര്‍ഷങ്ങള്‍ക്കുശേഷം അടിത്തട്ടിലടക്കം പാര്‍ട്ടി കൂടുതല്‍ ചലനാത്​മകമായിട്ടുണ്ട്​.