വനിത പ്രതിഷേധകര്‍ക്കു നേരെ വെടിയുതിര്‍ത്ത്​ താലിബാന്‍; ബാനറുകള്‍ കീറിക്കളഞ്ഞു

കാബൂള്‍: കിഴക്കന്‍ കാബൂളില്‍ ഹൈസ്​കൂളിന്​ പുറത്ത്​ പെണ്‍കുട്ടികള്‍ക്ക്​ സ്​കൂളിലേക്ക്​ മടങ്ങാനുള്ള അവകാശത്തിനായി സമരം നടത്തിയ സ്​ത്രീകള്‍ക്കെതിരെ വെടിയുതിര്‍ത്ത്​ താലിബാന്‍. ആറുപേരാണ്​ പ്രതിഷേധത്തില്‍ പ​ങ്കെടുത്തത്​.

ഞങ്ങളുടെ പേന തകര്‍ക്കരുത്​, പുസ്​തകം കത്തിക്കരുത്​, സ്​കൂള്‍ അടയ്​ക്കരുത്​-എന്നെഴുതിയ ബാനറുമായാണ്​ സ്​ത്രീകള്‍ പ്രതിഷേധിച്ചത്​. ബാനറുകള്‍ താലിബാന്‍ കീറിക്കളഞ്ഞു.

പ്രതിഷേധക്കാരെ ബലം പ്രയോഗിച്ച്‌​ നീക്കാന്‍ ശ്രമിക്കുകയുമായിരുന്നു. തുടര്‍ന്നാണ്​ വെടിയുതിര്‍ത്തത്​. ​സ്​ത്രീകള്‍ക്ക്​ പ്രതിഷേധം നടത്താമെന്നും എന്നാല്‍ അനുമതി വാങ്ങണമെന്നാണ്​ താലിബാ​െന്‍റ ഉത്തരവ്​.

താലിബാ​നെതിരെ ഖത്തര്‍

പെണ്‍കുട്ടികളുടെ വിദ്യാഭ്യാസത്തോടുള്ള താലിബാന്റെ  സമീപനം നിരാശജനകമെന്ന്​ ഖത്തര്‍ വിദേശകാര്യമന്ത്രി ​ശൈഖ്​ മുഹമ്മദ്​ ബിന്‍ അബ്​ദുര്‍റഹ്​മാന്‍ ആല്‍ഥാനി. അഫ്​ഗാനില്‍ ഇപ്പോള്‍ നടക്കുന്ന സംഭവങ്ങള്‍ ദൗര്‍ഭാഗ്യകരമാണ്​. താലിബാന്‍ പിന്നോട്ടാണ്​ രാജ്യത്തെ കൊണ്ടുപോകുന്നതെന്നും അദ്ദേഹം പറഞ്ഞു.

'ദോഹ കരാര്‍ അഫ്​ഗാന്റെ പതനത്തിന്​ കാരണമായി'

ദോഹയില്‍ താലിബാനും യു.എസും ഒപ്പുവെച്ച കരാറാണ്​ അഫ്​ഗാനിസ്​താന്റെ  പതനത്തിനു​ വഴിയൊരുക്കിയതെന്ന്​ യു.എസ്​ സെന്‍ട്രല്‍ കമാന്‍ഡന്‍റ്​​ മേധാവി ജനറല്‍ ഫ്രാങ്ക്​ മക്കെന്‍സി. 2020 ഫെബ്രുവരിയില്‍ ദോഹയില്‍ വെച്ചാണ്​ ട്രംപ്​ ഭരണകൂടവും താലിബാനും തമ്മില്‍ കരാറുണ്ടാക്കിയത്​.

2021 മേയ്​ അവസാനത്തോടെ യു.എസ്​ സൈന്യത്തെ അഫ്​ഗാനില്‍ നിന്ന്​ പൂര്‍ണമായി പിന്‍വലിക്കുമെന്നാണ്​ കരാറിലെ വാഗ്​ദാനം. പകരമായി യു.എസ്​-സഖ്യസേനക്കു നേരെയുള്ള ആക്രമണം താലിബാന്‍ അവസാനിപ്പിക്കണമെന്നും ഉപാധിവെച്ചു.

നിശ്ചയിച്ച തീയതിക്കുള്ളില്‍ തന്നെ സൈന്യത്തെ പിന്‍വലിക്കാനായിരുന്നു ഡോണള്‍ഡ്​ ട്രംപിന്റെ  പിന്‍ഗാമിയായെത്തിയ ജോ ബൈഡ​െന്‍റ തീരുമാനം. പിന്നീടത്​ ആഗസ്​റ്റ്​ 31ലേക്ക്​ നീട്ടി.

അതേസമയം, 2500 സൈനികരെ അഫ്​ഗാനില്‍ നിലനിര്‍ത്തിയിരുന്നെങ്കില്‍ അഫ്​ഗാ​ന്​ പിടിച്ചുനില്‍ക്കാന്‍ കഴിയുമായിരുന്നെന്ന്​ യു.എസ്​ സെനറ്റില്‍ മക്കെന്‍സി വ്യക്തമാക്കി. മക്കെന്‍സിയുടെ അഭിപ്രായങ്ങള്‍ പ്രതിരോധ സെക്രട്ടറി ലോയ്​ഡ്​ ഓസ്​റ്റിനും ശരിവെച്ചു.