വിലക്ക് നീങ്ങി; ക്ഷേത്രത്തില്‍ പ്രവേശിച്ചതിന്റെ ആവേശത്തില്‍ കര്‍ണാടകയിലെ ദലിത് കുടുംബങ്ങള്‍

ബം​ഗ​ളൂ​രു: ജീ​വി​ത​ത്തി​ല്‍ ആ​ദ്യ​മാ​യി ക്ഷേ​ത്ര​ത്തി​ല്‍ പ്രവേശിച്ചതിന്റെ ആവേശത്തിലും സന്തോഷത്തിലുമാണ് ​കര്‍​ണാ​ട​ക ഹാ​സ​ന്‍ ജി​ല്ല​യി​ലെ ദലിത് കുടുംബങ്ങള്‍. ക്ഷേ​ത്ര​ത്തി​ന് പു​റ​ത്തു​നി​ന്ന് പ്രാ​ര്‍​ഥി​ക്കാ​ന്‍ മാ​ത്രം ഇതു വരെ അനുമതിയുണ്ടായിരുന്ന ദി​ന്ദ​ഗൂ​ര്‍ ഗ്രാ​മ​ത്തി​ലെ ദ​ലി​ത് കു​ടും​ബാം​ഗ​ങ്ങ​ളാ​ണ് പൊ​ലീ​സിെന്‍റ​യും മു​തി​ര്‍​ന്ന ഉ​ദ്യോ​ഗ​സ്ഥ​രു​ടെ​യും സാ​ന്നി​ധ്യ​ത്തി​ല്‍ ചൊ​വ്വാ​ഴ്ച ഉ​ച്ച​യോ​ടെ പ്ര​ദേ​ശ​ത്തെ വി​വി​ധ ക്ഷേ​ത്ര​ങ്ങ​ളി​ല്‍ പ്ര​വേ​ശി​ച്ച​ത്. സ്ത്രീ​ക​ളും കു​ട്ടി​ക​ളും മു​തി​ര്‍​ന്ന​വ​രും ഉ​ള്‍​പ്പെ​ടെ 50ല​ധി​കം പേ​രാ​ണ് ക്ഷേ​ത്ര പ്ര​വേ​ശ​ന​ത്തിെന്‍റ ഭാ​ഗ​മാ​യി ഗ്രാ​മ​ത്തി​ല്‍ പു​തി​യ മാ​റ്റ​ങ്ങ​ള്‍​ക്ക് തു​ട​ക്ക​മി​ട്ട​ത്. ക്ഷേ​ത്ര​ങ്ങ​ളി​ല്‍ പ്ര​വേ​ശി​ക്കാ​ന്‍ അ​നു​മ​തി ആ​വ​ശ്യ​പ്പെ​ട്ട് ഗ്രാ​മ​ത്തി​ലെ ദ​ലി​ത് കു​ടും​ബ​ങ്ങ​ള്‍ ച​ന്ന​രാ​യ​പ​ട്ട​ണ താ​ലൂ​ക്ക് ഭ​ര​ണാ​ധി​കാ​രി​ക​ള്‍ക്ക് അ​പേ​ക്ഷ സ​മ​ര്‍പ്പി​ച്ചി​രു​ന്നു. തു​ട​ര്‍​ന്ന് ത​ഹ​സി​ല്‍ദാ​ര്‍ ജെ.​ബി. മാ​രു​തി​യും ഡി​വൈ.​എ​സ്.​പി. ല​ക്ഷ്‌​മെ ഗൗ​ഡ​യും ഗ്രാ​മ​ത്തി​ല്‍ യോ​ഗം വി​ളി​ച്ചു ചേ​ര്‍​ത്ത് വി​ഷ​യം ച​ര്‍​ച്ച​ചെ​യ്തു. ദ​ലി​തു​ക​ളു​ടെ ക്ഷേ​ത്ര പ്ര​വേ​ശ​ന​ത്തെ യോ​ഗ​ത്തി​ല്‍ ആ​രും എ​തി​ര്‍​ത്തി​ല്ല. പ്ര​ദേ​ശ​ത്തെ സ​വ​ര്‍​ണ വി​ഭാ​ഗ​ത്തി​ലു​ള്ള​വ​രും തീ​രു​മാ​ന​ത്തെ സ്വാ​ഗ​തം ചെ​യ്തു.